《星空下的仁医》

终于喺大家嘅期盼声中

！开！播！啦！

作为TVB台庆剧单中

呼声同期待值都最高的

一部“小儿科”医疗剧

究竟佢值唔值得大家追咧

“白袍专业户”马国明又“从医”啦

继上一部《白色强人》之后

今次係马明第13次做医生

之前嘅角色凑埋啱好12宫格

有人话睇睇下套剧

以为自己喺度复习紧《On Call》

因为佢餐餐出来

都係白袍+插袋个chok 样

已经冇晒新鲜感

查实今次係马明首次玩“小儿科”

都算开启咗佢“医生”生涯嘅

另一个新篇章啦

喺采访嘅时候

连佢自己都话

如果有机会重新来过

当年可能会试下读医

“救人”嘅时候马明真係有模有样

睇来係“扮嘢”扮到上晒脑了

唔知係米医生做多咗

自己都好似“医美”咗咁

今次出镜嘅马明睇落皮肤光滑咗

成个人都更醒神

而另一位大男主郑嘉颖

一出场满面须

吊儿郎当穿袜踢拖嘅形象

令人即刻梦回2011年《怒火街头》

law霸变医生已经有啲出戏

佢连撩女仔嘅语气神态

都同10年前一样

“医生”撩女仔~

“law霸”撩女仔~

对翻两个角色嘅造型

律师&医生look个胡须形态都一模一样

不得不佩服

嘉颖保养得真係几OK

网友笑称

马明&郑嘉颖嘅个人形象太深入民心

成部《仁医》可以改名

叫《On Call 36小时之怒火街头》了

因为剧中马明同郑嘉颖嘅角色

开始就因为啲旧误会而有矛盾嘅

所以剧情特意安排咗

一个“和事佬”喺佢哋中间

钟嘉欣就以曾经嘅“无国界医生”身份归来

帮佢两个缓解僵局

嘉欣BB生完B之后翻来拍戏

状态唔止在线

颜值仲重回巅峰

头两集嘉欣BB个角色会唔舒服

仲要自己打针添

大家都以为佢有咩“隐疾”

后来揭晓原来係有咗BB

两个男主仲好八卦咁问长问短

睇来佢哋嘅关系好快就会解冻

剧集播到第三集

除咗来咗一批新仔实习医生之外

罗子溢饰演嘅专科医生

都终于出场啦

只见佢继续保持住“大只谦”嘅麒麟臂

举手投足之间都有逼爆件医生袍嘅势头

虽然佢啱啱现身、睇落资质平平

但相信喺后面嘅发挥中

一定会俾到大家惊喜

《星空下的仁医》

係TVB首次推出嘅

儿科主题医疗剧

借此传递关爱儿童嘅心

传递爱&温暖

虽然入面好多演员都係小朋友

但整体剧情走温馨向

又有医疗剧嘅紧张感

再者有马国明、郑嘉颖呢班

可以永远相信嘅TVB人加持

相信《仁医》唔会令大家失望嘅

大家喺埋堆堆就可以追剧啦

唔知边个医生最称你心咧

《八角亭谜雾》无实物表演

《八角亭谜雾》正在热播

段奕宏嘅一啲画面好奇怪

好似食烟但係又冇食烟

原来係后期将佢支烟P走咗

网友话：

老段无实物表演，

又冇完全无实物！

《云上的小店》定档

综艺节目《云上的小店》定档
大家可以听到最接地气的乡村日常，

感受最质朴的村落民俗

沉浸式感受大自然

资料来源：电视剧截图、豆瓣、微博

互联网综合整理

编辑：郭玮

更多内容>>>

一次过get全年可乐报

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方微信：可乐生活color(colorcolor818)

官方唯一商务合作QQ：1902182069