01

01-2018

香港乐坛宣布：“正式死亡”

曾经香港乐坛鬼才黄霑先生讲过「香港乐坛死咗了」，呢D都係人哋讲嘅，但係香港乐坛经历咗近呢10年嘅洗礼，用「行动」做俾我哋睇，香港乐坛已死的事实。

2017年12月30日晚上，2017年度劲歌金曲颁奖典礼已经静悄悄的完结咗，点解要讲佢係静悄悄咁样完结呢？

因为我相信好多人宜家都唔睇TVB了，就算真系睇，可能都会係星期一至五果几部电视剧，甚至相信有50%以上嘅人应该会係上网睇或者係睇回放。

星期六晚举行嘅颁奖典礼，你会唔会选择係电视机前面睇？甚至连网上90%以上嘅网站係连DOWN落嚟睇嘅资源都冇，小编好奇百度咗一下，都係搵唔到资源，自我安慰一句，可能因为资源问题吧。

点解会讲香港乐坛用「实力」自我证实咗“乐坛死了”，今年香港乐坛可谓「各出奇招」，大家都希望以最低嘅成本完成呢一项年底的颁奖「任务」。例如《十大中文金曲颁奖典礼》，呢个可谓係香港历史悠久嘅颁奖典礼，足足40年之悠久，以前.....唔想多讲，今年.....係某学院租咗个礼堂、时间下昼2点、冇直播、不唱歌只颁奖。如果咁都唔算交任务，咁就直情係交行货啦。

但係「2017年劲歌金曲颁奖典礼」有直播、有唱歌、又有颁奖、咁点算係自取灭亡呢？

先睇下得奖名单先。

劲歌金曲奖

01.周柏豪《天网》

02.何雁诗《我不会撒娇》

03.JW王灏儿《安全感》

04.吴浩康《较早前录影》

05.许靖韵《琢磨》

06.胡鸿钧《到此一游》

07.胡鸿钧《朋友身份》

08.HANA菊梓乔《忘记我自己》

09.HANA菊梓乔《一辈子守候》

10.郑俊弘《战胜吧》

11.Rainky蔚雨芯《BB》

12.洪卓立《带着骨灰去旅行》

13.谭嘉仪《陪着你走》

14.林欣彤《毕业之后》

15.吴业坤《伤心到变形》

16.ToNick《长相厮守》

17.C AllStar《一刻恋上》

18.泳儿《习惯爱你》

19.李克勤《C3PO》

20.李克勤《失魂记》

最受欢迎新人奖

金奖：谷微　银奖：颜卓灵　铜奖：伍富桥

最佳合唱歌曲

金奖：王浩信/谭嘉仪《陪着你走》

银奖：JW王灏儿/吴业坤《原来只因深爱着》

铜奖：王浩信/HANA菊梓乔《欲言又止》

最佳唱作歌手

金奖：糖妹　银奖：王嘉仪　铜奖：罗力威

最佳唱跳艺人：钟舒漫

最佳乐队组合奖

金奖：C AllStar　银奖：Supper Moment　铜奖：ToNick

最高人气歌星奖：周柏豪

最佳演绎男歌星：胡鸿钧

最佳演绎女歌星：HANA菊梓乔

最受欢迎歌星奖：李克勤

劲歌金曲金奖：李克勤《失魂记》

正常睇落去，份名单就已经好大问题，基本上80%以上嘅得奖者都系「星梦娱乐」即TVB自己的唱片公司。另外果20%就係英皇。

其实问题冇问题嘅，不过颁奖典礼个名就出现问题了。你应该係个颁奖典礼前面加上「TVB」咁就好听好多。「TVB劲歌金曲内部颁奖典礼」，完全冇问题了。「黄子华话斋：呢D嘢，你哋内部传阅得啦，唔需要俾我哋D市民睇噶嘛」如果唔係嘅话，最佳演绎男歌手奖点会係胡鸿钧呢？解释唔到嘛，大佬。除非香港乐坛真系死咗。

并不针对胡鸿钧，今年确实睇到佢好多TVB电视剧主题曲嘅作品，我都想到喜欢，特别係呢一首「到此一游」我亦到循环播放过。但係，最佳演绎男歌手，暂时今日你係未够班。先唔好讲90年代黄金时代，讲宜家仲在线嘅香港歌手，陈奕迅、张敬轩、古巨基、侧田、等一班人，要作品有作品，要唱功有唱功。

其一，何解呢一班人唔嚟参加颁奖典礼？

事因2009年，TVB与香港四大唱片公司 环球、华纳、 Sony Music及 EMI四大唱片公司，近月与无线因歌曲版税加价问题谈不合拢，互相封杀。係当时唱片行业被翻版强势打击之下，亦因为利益问题，将企係悬崖边嘅香港乐坛推到「绝路」上。所以从此之后，呢几间唱片公司嘅艺人都冇再出现係TVB，问题係TVB又係香港当时或直至现在都係最强曝光率嘅一个平台。歌手们冇曝光，所以人气都慢慢低迷，直至到「消失」为止。当年都不缺好歌手嘎，例如卫兰、吴雨霏、周国贤、薛凯琪呢一批都係当时半红不黑嘅歌手，只要再努力一下，相信必定会有发热嘅机会。

其二，有冇人可以解释下呢个係乜嗨颁奖典礼。

呢班又係乜人嚟噶，唔係做戏嘅咩？

其三，香港乐坛冇人接棒，就连陈奕迅都咁样讲。

宜家连一个「歌手荣耀」嘅颁奖典礼，都咁嗨求其，自己都唔帮自己，香港乐坛真係响2017年最后一日，同2017年讲再见！连自己都再见！

当年黄霑先生曾经讲过，香港乐坛死了。谂唔到，咁快就发生了。

我就问一句，你仲有冇听开边位好听嘅香港歌手。虽然乐坛“死了”，但我真系好钟意听广东歌。