张敬轩将于今年6月15至17日，喺红馆举行「Hinsideout 2018 张敬轩♭♭演唱会」

轩仔为咗今次红馆演唱会宣传真系搏到尽啊！

日前，曝光咗一段轩仔拍摄演唱会拍摄宣传海报嘅花絮，小编睇完笑到肚都痛啊！

（点击原文查看完整视频）

哩段烧到「冚冚聲」嘅拍摄花絮，又喷火又盛，一播出就即刻俾网民疯狂洗版。

睇翻条片，印度发型师又真系好认真咁用佢招绝技喺轩仔个头上面喷火。而现场嘅工作人员又好配合咁，攞住烧烤叉系轩仔头上面烤棉花糖，烧鸡翼！

只鸡翼仲肥美到漏油，滴咗D鸡油落轩仔额头。点解可以咁搞笑啊！？

点解轩仔搏到咁尽玩埋火？

轩仔话[今次演唱会主题叫“Hinsideout”概念由SK AllRightReserved主理人主理，希望将我另外几面、大家喺荧幕外见唔到我嘅、最deep down嘅性格特质变成音乐，带上舞台俾大家睇。所以我连衫都冇着嘎，个头顶又起晒火。而火嘅意思，就系我将里面果团火都燃烧埋出嚟。]

讲翻哩个“火头”，以为系创新大胆冇嘢搵嘢搞，其实哩个系嚟自印度嘅火焰头发护理！将D干枯受损、发尾开叉同埋脆弱发丝，经过火燃烧后自然脱落。做完哩个头发护理之后，头发会更加丰盈富有弹性添！

唔好睇轩仔好似好淡定，其实轩仔都“熬晒底”嘎。不过话之前已经有好多幕后工作人员都试果哩味嘢，都安全无事。

轩仔话成個过程好有趣、好刺激，好正！做完「treatment」，D头发真系顺滑咗，成个人醒神晒！

不过喺哩度都要提提大家，火焰护理係由专业人士处理，大家千其唔好模仿呀！

其实轩仔都唔系第一次系造型上咁搞怪嘎啦，早前轩仔化身行为艺术家亲自Cosplay咗Emma，又笑指话：「深夜无聊习作。」

又真系扮得好鬼似喔！第一次见轩仔咁靓女!

轩仔为咗演唱会搏到尽，你会唔会去睇先？