前段时间嘅《使徒行者2》、《反黑》

令香港警匪电视剧重回观众视线

唔知大家又记唔记得

自己睇嘅第一套香港警匪剧喺咩呢？

小编就係《学警雄心》

（再之前嘅已经无印象~）

故事热血励志

又带啲偶像剧嘅小清新

唔似呢家啲警匪片咁“呃嚟呃去”

最令人印象深刻嘅係

薛凯琪戏入面个look真係又靓又清纯！

一直都觉得Fiona饰演嘅马霭琳

係咁多港产警匪片入面最“省镜”嘅女警！

04年开拍嘅《学警雄心》

13年前啊！阿Fi真係超级嫩口~

就算剪成男仔头都掩饰唔到18、9岁嘅少女光芒

未入学堂之前嘅及肩短发

清纯味十足

睇完造型都想重温翻《学警》

令人佩服嘅係

今年已经36岁嘅Fiona薛凯琪

同当年嗰个“女学警”基本无变！

依然咁童颜咁少女！

▲前段时间举行的新剧发布会

入行十四年

除咗保持一直keep住姣好嘅容貌同身材

Fiona唱而优则演，歌影视三栖

今年已经有《闺蜜2》和《天生不对》

两部电影上映

都获得唔错嘅反响

最近，得悉薛凯琪时隔13年

终于要再拍电视剧啦！

无错，对上一部就係2004年嘅《学警雄心》

不过今次Fiona唔係拍无线剧

而係香港寰亞同优酷合拍嘅网剧《蚀日風暴》

对上一次联手嘅作品就係《无间道》

再次合作拍剧

主演阵容都非同少可：

張智霖、薛凱琪、王陽明、梁汉文

秦沛、许绍雄等实力演员加盟

仲会见到好多熟悉嘅前TVB演员添~

薛凯琪喺新剧入面扎职做女madam

名牌大学毕业

富家千金但係无公主病

从《学警雄心》嘅警察升职为督察

all black长发职业look

好英气

仲同王阳明有感情戏

两人饰演一对未婚夫妇

好期待佢地首次合作擦出嘅火花

男型女索

戏内戏外都好养眼

而且两人对戏过程中

薛凯琪讲粤语

王阳明因为听唔明

要背埋阿Fi嘅台词，都几辛苦嘎

当然，感情戏边会咁简单啊

据说张智霖将会介入王阳明同薛凯琪嘅感情

上演三角恋

啊，两大型男一齐嚟

点拣啊！

自《冲上云霄2》之后再度拍剧嘅张智霖

表示会接呢套剧

係因为剧本好、角色有张力

以及专业嘅创作团队

Chilam剧中饰演一名香港警局缉毒科督察

唔开飞机改扎抢

一样咁型

寰亚传媒制作班底堪称TVB收视保障

成功打造过《潜行狙击》、《使徒行者》

《学警雄心》多部经典警匪片

呢次联手优酷开拍《蚀日风暴》

有咗内地金主嘅投资

更加利于提高制作水准和扩大宣传范围

相信会将港产警匪片提升到一个全新嘅高度

▲前tvb监制梁家树

今次“欢喜哥”许绍雄终于唔係扮卧底啦~

而係饰演薛凯琪爸爸

同阿Fi有好多对手戏

大家都知道

向来接拍内地剧，片酬都唔少

有传话Fiona今次接拍《蚀日风暴》

片酬过千万！

Fiona都大方表示：

“系好吸引，够供楼同请成间公司嘅同事饮入伙酒

套戏会去埋欧洲拍雪景，好开心！”

《蚀日风暴》喺10月中正式开机

全剧共36集

除咗香港之外

剧组仲会去到马来西亚同北欧取景

预计会喺明年优酷首播

虽然近年香港已经拍咗N部呢种题材嘅作品

前排部《使徒行者2》都未散热

但係，桥唔怕旧，最紧要受！

香港一直都擅长拍警匪、黑社会、枪战

卧底等等题材嘅剧集

无论拍过几多次，一样有收视保证

一直都有拍开电影嘅Fiona

今次再度挑战电视剧，一接就係大制作

唔知演技会唔会有突破呢？

《蚀日风暴》能否超越之前嘅合拍网剧

就要拭目以待啦~