藝人關智斌（Kenny）和張致恒（Steven）再以BOYZ身份獲邀出席「THE ART CADE」活動，現場與幾位小朋友一齊設計電「紙」遊。講到懷舊電子遊戲是BOYZ同年代？兩人笑言：「冇所謂，多啲工作機會添。」Steven更認真說：「開心可以將打機，變成一種減壓發洩方法。」他又謂自己一直都鍾意打機，反而Kenny就不是，他們是一動一靜。

問到Steven當年可有顧住打機荒廢工作？Kenny笑言：「佢係畀人鬧遲到最多，最記得一次因遲大到，去到現場後台，主辦單位嘅人就話『呢隊組合終於到！』」Steven坦言相信當日又是自己遲到。問到現是否改掉了？他笑言：「以前遲半個鐘，依家15分鐘啦！」Kenny即踢爆：「上次你嚟我屋企拍演唱會宣傳片你遲咗成粒鐘喎！」之後Kenny又幫他講好說話：「咁今日佢就早到過我嘅。」