陈敏之升呢做妈咪，讲到明乜嘢都会以囝囝为先。

陈敏之同囝囝。

陈敏之于上年“冬至”诞下儿子雷子乐，提到她在播映中的新剧《亲亲我好妈》中，饰演名校教师，更是单亲妈妈，拍此剧尾声时，敏之才发现自己刚怀孕。 她接受专访时谓：“嗰阵系有计划生BB，但冇话好勤力，就喺拍呢个剧临尾个月知道自己有咗，真系缘份嚟！不过嗰阵未够三个月，又唔同人讲得，唯有自己小心啲。”

同老公分更凑B

说到拍剧要挨更抵夜，老公当时是否很担心、紧张时，她谓：“佢都唔系好识处理，头三个月自己都好紧张，惊佗唔稳，之后自己就好轻松，到依家做咗人妈妈，凑住一个初生婴儿，真系好有难度。”敏之向来是紧张大师，凑自己的骨肉当然亲力亲为，她笑言：“妈咪都成日帮我，畀时间我休息，老公就负责夜更，换片、喂奶一脚踢，佢算有耐性，比我想像中表现好，佢都好锡个仔，个仔唔单止系我情人，仲系我老公个情人。”

惆怅拍剧点样Pump奶

敏之即将开拍监制刘家豪的新剧《溏心风暴3》，更要一拍便拍至七月，问敏之会否不舍得经常离开儿子时，她谓：“呢套剧系刚刚怀孕时家豪哥mark咗我个期，我都好想拍家豪哥嘅剧，（有否要求拍剧时间？）冇乜，只系惆怅点样Pump奶，身体方面我觉得仲比以前强壮，补咗身好润，之后都会去做机修身，因为生完暂时都未可以做剧烈运动，不过而家胸同PatPat都大咗，都唔想减，好开心。”敏之坦言拍完《溏3》后，就会停一停拍剧，专心凑仔，她谓：“做啲轻松啲嘅工作，时间唔太长嘅，司仪都OK，总之乜都个仔行先。”

唔担心变怪兽家长

另外，提到《亲》剧中，敏之是一名单亲母亲及名校教师，面对不少怪兽家长，问会否担心自己将来都成为一份子时，她笑言：“我唔想啰！但睇情况，以前叫人唔好成日一见个BB喊就抱，但依家到自己就知唔得，我个仔有啲演艺细胞，有时喊冇眼泪，你唔理佢，佢就眼湿湿整啲眼泪出嚟，跟住我就忍唔住抱。”敏之坦言现时与老公的话题都是围绕儿子，故以后有老公大家有商有量，都不怕会成怪兽家长。

发型:Eve
化妆:Jessica Chan
服装提供:St.STUDIO