黃翊笑言為此失眠了幾天，又謂對上一次跟克勤合作不是很久之前：「係1989年嘅《淘氣雙子星》。」克勤笑言：「竟然用「淘氣」形容我，依家應該用「長氣」嚟形容我哋，呢套劇有冇造成你哋有童年同中年陰影？」 

克勤續謂：「我同黃翊廿幾年前拍劇，仲曾經同一間唱片公司，但都冇合作過，反而咁多年後有機會唱歌畀大家聽，好戥你開心。」他又自嘲：「我唱咗歌30年，依家變咗內地歌手。」黃翊即謂：「搵人仔係好事。」克勤笑言：「最緊要係報稅。」黃翊即抵死問：「報足？」克勤笑言：「梗係！」合唱完《左麟右李》後，克勤對黃翊謂：「唔好等太耐再有下次演唱會，下次我再上嚟玩。」最後黃翊唱出《最愛的你》，演唱會圓滿結束。