欢迎关注 Udarim 官方平台

全 世 界 不 到 1% 的 人 关 注 了 Udarim

你 开 心 就 好

بۈگۈنكى مۇھىم خەۋەرلەر تورى خەۋىرى، نۇر تورى تەرجىمىسى.

تاماشا دۇنياسىدىكى داڭلىق چولپانلار ئارىسىدا ئ‍ۆز-ئارا ئۇششاق-چۈششەك سۆز-چۆچەكلەر بولۇپ تۇرىدۇ، ئەمما تايلور سىۋىفىت باشقىچە، ئۇنىڭ باشقىلارنىڭ سۆز-چۆچەك نىشانىغا ئايلىنىپ قېلىش نىسبىتى ناھايىتى يۇقىرى. بىز بۈگۈن تاماشا دۇنياسىدا تايلور سىۋىفىتنى مازاق قىلغان ئون داڭلىق چولپان بىلەن تونۇشۇپ چىقىمىز. بىز بۇ چولپانلارنىڭ زادى نېمە ئۈچۈن تايلور سىۋىفىت بىلەن چىقىشالمايدىغانلىقىنى كۆرۈپ باقايلى.

10. مايلىي سايرۇس (Miley Cyrus).

مايلىي تايلور سىۋىفىتنىڭ سىرداشلار توپىغا تارتىپ كىرىلگەنلىكىدىن نارازى بولغان. 2015-يىلى يازدا، نيۇيورك ۋاقىت گېزىتىنىڭ زىيارىتىنى قوبۇل قىلغاندا، مايلىي تايلور سىۋىفىتنى سۆككەن ۋە ئۇنىڭ سىرداشلار كۇلۇبى بىلەن بولغان چەك-چېگرىسىنى ئېنىق ئايرىغان. ئۇ يەنە ئۆزىنىڭ دوستلىرىنىڭ ئارىسىدا بىرمۇ چولپان يوقلۇقىنى، چۈنكى، ئۇنىڭ سۆزى بويىچە ئېيتقاندا ئۇنىڭ دوستلىرىنىڭ تېخىمۇ «رېئال» ئىكەنلىكىنى ئېيتقان. مايلىي ئۆزىنىڭ خاسلىقىنى پۈتۈن كۈچى بىلەن تەكىتلەيدۇ، پۇرسەت تاپقان ھامانلا ئۆزىنى كۆرسىتىشكە ئۇرۇنىدۇ. شۇڭلاشقا، گەرچە ئۇ 21-ئەسىردىكى داڭلىق ئىستىراتېگىيەچى سانالمىسىمۇ، ئەمما ئۇنىڭ ئۆز سەنىمىگە دەسسەپ يۈرىدىغان مىجەزى يەنىلا ئادەمنىڭ قايىللىقىنى قوزغايدۇ. ئۇ ئاللىقاچان بۇ خاراكتېرى بىلەن پۇت تىرەپ تۇرۇۋاتقىلى ئۇزۇن بولدى، شۇڭا ئۇ ھەممىنىڭ زوقى كېلىدىغان «تايلور سىۋىفىت سىرداشلار ئەترىتى»نى ئازراقمۇ كۆزگە ئىلمايدىغانلىقىنى دەپ يۈرۈشتىن قورقۇپ قالمىدى.

9. مايكول ج. فوكس (Michael J. Fox)

2013-يىلى مايكولنىڭ ئوغلى ئالتۇن شار مۇكاپاتى نامزاتلىقىغا ئېرىشىپ، تېز سۈرئەتتە كىشىلەرنىڭ كۆزىگە كۆرۈنۈشكە باشلىدى. شۇنىڭدىن كېيىن ئۇنىڭ دادىسى بايانات ئېلان قىلىپ، بەزى مودا ئېقىم ناخشىچىلىرىنىڭ ئوغلىنىڭ مۇۋەپپەقىيەتلىرىگە كۆزى قىزىرىۋاتقانلىقىنى ئەيىبلىدى. ئىلگىرى «بۆرە بالىسى» (Teen Wolf) فىلىمىدە رول ئالغان بۇ چولپان يەنە بىر قېتىملىق زىيارەتتە سۆزنى ئەگىتىپ ئولتۇرماستىن بىراقلا ئوغلىنىڭ تايلور سىۋىفىت بىلەن ھەرگىزمۇ مۇھەببەتلەشمەيدىغانلىقىنى، چۈنكى ئۇ تايلورنىڭ ناخشىلىرىنىڭ قانداق يېزىلغانلىقىنى تولۇق بىلىدىغانلىقىنى، ئۆزىنىڭ ئوغلى ۋە ئۇنىڭ قىز دوستىنىڭ بىرلىكتە «سام، سەن بىر ئەبلەخ» دېگەن مودا بىر ناخشىنى بىرلىكتە يېزىپ چىققانلىقىنى كۆرۈشنى خالىمايدىغانلىقىنى ئېيتتى. 

8. گىرەيس مورېتىز (Chloë Grace Moretz).

سىرداشلار كۇلۇبى دېگەن زادى نېمە؟ كۆپچىلىك كىشىلەر ئۈچۈن ئېيتقاندا، سىرداشلار كۇلۇبى دېگەنلىك سىز بىللە يۈرۈشنى خالايدىغان كىشىلەر توپى دېگەنلىكتۇر. تايلور سىۋىفت ئۈچۈن ئېيتقاندا بولسا بۇ تولىمۇ ھەشەمەتلىك ۋە يەنە سىرتقا نىسبەتەن تاقاقلىق بىر دۇنيا. ھېچكىممۇ بۇ كۇلۇبقا كىرىدىغان ھەر قانداق پۇرسەتنى قولدىن بېرىپ قويۇشنى خالىمايدۇ، شۇنداق، ھېچكىممۇ. ئەمما مورېتىز ئۇنداق ئەمەس. ئۇ تەڭتۇشلىرى ئارىسىدا ناھايىتى زور يوشۇرۇن كۈچى بىلەن كۆزگە كۆرۈنگەن بىر ياش ئارتىس، ئۇ ئىلگىرى تايلور سىۋىفىتنىڭ سىرداشلار كۇلۇبىغا قاتنىشىش تەكلىپىنى قەتئىي رەت قىلىۋەتكەن، يەنە تېخى ئۆزىنىڭ بۇ قارىشىنى تايلور سىۋىفىتنىڭ ئۆزىگە دېگەن. 

7. جون مايېر (John Mayer)

بۇ يىگىت ئىلگىرى تايلور سىۋىفىت بىلەن بىر مەزگىل ئارىلىشىپ باققان، ئەمما بۇ ئىشنىڭ نەتىجىسى ياخشى چىقمىغان، ئىككىيلەن ئوچۇق-ئاشكارا ئايرىلىپ كەتكەن، بۇ نۇرغۇن كىشىلەرنىڭ كۆڭلىنى يېرىم قىلغان. جون مايېر يەنە تايلورنىڭ «قەدىرلىك جون» دېگەن ناخشىسىغا پىكىر بەرگەن.

6. كالۋىن خاررىس (Calvin Harris)

ئىلگىرى ئېگىز بويلۇق بۇ كېلىشكەن يىگىت ۋە تايلور سىۋىفىت تاماشا دۇنياسىدىكى يېڭى بىر جۈپلەر دەپ قارىلاتتى، ئەمما 2016-يىلى ئۇ ئىككىيلەننىڭ مۇھەببەت كېمىسى غەرق بولدى، تايلور يېڭى يىگىت تېپىۋالغان ئىدى. خاررىس تىۋىتتېردا تايلورنى تىللاپ، نۇرغۇن كىشىلەرنىڭ دىققىتىنى تارتتى.

5. جوۋ جوناس (Joe Jonas)

2008-يىلى تايلور سىۋىفىت ئەمدىلا 18 ياشقا توشقاندا جوناس تەرىپىدىن تاشلىۋېتىلدى، ئۇ ئىككىيلەن 25 سېكۇنتلۇق تېلېفون پارىڭى بىلەنلا ئايرىلىپ كەتتى.

4. تىنا فېي (Tina Fey) ۋە ئەمىي پوھلېر (Amy Poehler)

2013-يىلىدىكى ئالتۇن شار مۇكاپاتىنى تارقىتىش مۇراسىمىدا بۇ بىر جۈپ رىياسەتچى ئاچا-سىڭىللار تايلور سىۋىفىتنى مازاق قىلدى، خۇددى بۇ ئىككىيلەن ئالتۇن شار مۇكاپاتى تارقىتىش مۇراسىمىغا رىياسەتچىلىك قىلىش جەريانىدا باشقىلارنى مازاق قىلغاندەكلا. شۇنداق بولسىمۇ تايلور سىۋىفىت بۇ ئىككى رىياسەتچىنىڭ چاقچىقىنى قوبۇل قىلالمىدى، ئۇ مۇراسىمدىن كېيىن ئاخبارات ۋاستىلىرىنىڭ زىيارىنى قوبۇل قىلغاندا بۇ ئىشقا قاتتىق قايتۇرما زەربە بەردى، ئۇ سۆزىدە ئامېرىكىنىڭ سابىق دۆلەت ئىشلىرى كاتىپى مادېلاينانىڭ «ئايال كىشى ئايال كىشىنى قوللىشى كېرەك، بولمىسا دوزاخقا كىرسۇن» دېگەن سۆزىنى نەقىل كەلتۈردى. ئەمىي پوھلېر كېيىن بۇ ئىشى ئۈچۈن كەچۈرۈم سورىدى، تىنا فېيمۇ بۇ ئىشنىڭ پەقەت بىر چاقچاق ئىكەنلىكىنى ئېيتتى.

3. كانيې ئومارى ۋېست (Kanye Omari West)

بۇ گەپ-سۆزى ئوچۇق كەسكىن بوۋاينىڭ ئايالى كىم كارداشىيان ۋە تايلور سىۋىفىتنىڭ كونا ئاداۋىتى 2009-يىلىلا باشلانغان، بۇ چاغدا ئومارى ۋېست مۇكاپاتقا ئېرىشكەن تايلور سىۋىفىتنىڭ سۆزىنى كېسىپ توختىتىپ قويغان، ئەينى ۋاقىتتا تايلور سىۋىفىتنىڭ «You belong with me» دېگەن ئەسىرى VMAنىڭ نادىر ئايال ناخشىچى مۇكاپاتىغا ئېرىشكەن ئىدى. 

2. كەتىي پېررىي (Katy Perry)

بۇ ناخشىچى بىلەن تايلور سىۋىفىتنىڭ ئۆچ-ئاداۋىتىنى سۆزلەپ كەلسەك تولىمۇ ئۇزۇن. بۇ ئىككىيلەن ئوخشاشلا جون مايېرنىڭ سابىق قىز دوستلىرى ئىدى. ئەمما بۇ ئىككىسىنىڭ ھەقىقىي زىددىيەت سەۋەبى بولسا كەسپىي رىقابەت. بۇ ئىككىيلەن ئارىسىدا ئىلگىرى بىر مەيدان ئادەم تالىشىش جېڭى بولۇپ ئۆتكەن، يەنى بۇلار بىر ئ‍ۇسسۇلچىنى ئۆزلىرىنىڭ گۇرۇپپىسىغا تالىشىپ قالغان. شۇنىڭدىن كېيىن ئىككىيلەننىڭ مۇناسىۋىتى تېخىمۇ كەسكىنلىشىپ كەتكەن. ئەمەلىيەتتە كۆپچىلىك تايلور سىۋىفىتنىڭ قىزغىن ئالقىشقا ئېرىشكەن ناخشىسى «ناچار قان»نى تايلورنىڭ پېررىينى مەسخىرە قىلىپ يازغان ناخشىسى دەپ قارايدۇ. پېررىيمۇ تىۋىتتېرىدا تايلور سىۋىفىتنى يوشۇرۇن چۆكۈرگەن.

1. كىم كارداشىيان (Kim Kardashian)

2009-يىلى ئومارى ۋېستنىڭ قوپاللىق بىلەن ئۆزىنىڭ سۆزىنى كېسىۋەتكىنىنى ئېسىدىن چىقارماي ساقلاپ كەلگەن تايلور 2016-يىلىدىكى گىرەممىي مۇكاپاتىنى تارقىتىش مۇاسىمىدا ئومارى ۋېستنى قاتتىق ئەيىبلىدى. بۇ كىم ئومارى ۋېستنىڭ ئايالى كىم كارداشىياننىڭ مەشھۇر مەسخىرىلىرىگە سەۋەب بولدى. ئۇ Snapchatتە ئۆزىنىڭ يولدىشى ۋە تايلور سىۋىفىتنىڭ خىزمەت مۇناسىۋىتىنى ئاشكارىلىدى. 

♡♡♡

مەزمۇنلىرىمىز سىزگە يارىغان بولسا ئاستىدىكى ئېلاننى بېسىپ قويۇڭ ، ئەگەر  يارىمىغان بولسا پەرۋامۇ قىلماڭ