当初《溏心风暴之家好月圆》播的时候

最钟意睇的部分就係管家仔同于素秋

虽然嗰时的管家仔成日都着到好似一个

路人甲乙丙咁喺度整饼

而于素秋已经係留学归来的医生

但两个人行埋一齐的时候

仲係令人觉得迷之相衬

管家仔同于素秋的故事

其实好早就发生咗

嗰时于素秋仲只係一个贫穷少女

阿妈喺管家仔的店度打工

喺佢眼中，管家仔假假地都係一个饼铺少爷

而自己都只係佢地的员工之一

于素秋话：“我地之间係有距离噶。”

而管家仔咩都无解析

只係行过去同于素秋比咗下身高

然后话：“係啊，我地係有距离的。

但我地的距离只有嗰少少的身高差。”

係管家仔同于素秋话俾我地听

真心相爱的人之间

距离从来都唔係问题

管家仔同于素秋之间有一种其他人冇的默契

明明学历同经历都已经咁唔同

但当佢地再坐埋一齐打边炉的时候

依然会有无数的话题

于素秋会同管家仔分享佢喺医院的事情

管家仔会同佢讲屋企发生的趣事

佢地仲会成日捻翻起细个发生的事情

然后一齐傻笑

管家仔同于素秋话比我地知

真心相爱的两个人之间

即使喺小小嘢都可以一齐笑一餐

即使係再细微的事，都想同彼此分享

于素秋会将管家仔写俾佢的信保存得好好

管家仔会记得于素秋细个的时候就脚大

会记得佢因为贪靓唔肯戴眼镜的事情

因为我爱你，所以即使係再细的事情

只要关于你，我都会记得

因为我爱你，所以所有关于你的嘢都珍贵

于素秋同管家仔之间其实都曾经错过

一开始于素秋钟意管家仔的时候

管家仔仲同紧空姐婷婷一齐

到管家仔钟意翻于素秋的时候

于素秋已经爱上咗凌医生

做咗人地的第三者

于素秋会喊住同管家仔讲

“我好挂住至信”

于素秋为凌至信流咗好眼泪

管家仔都为于素秋流咗好多眼泪

但管家仔的难过

并唔係因为于素秋钟意咗第个

而係因为于素秋唔幸福，于秋秋好难过

管家仔捉住凌至信，要佢比于素秋一个交代

而唔係乘机而入

因为对于管家仔嚟讲

于素秋的幸福比自己的快乐重要太多

于素秋失恋，管家仔无论几忙

都话要借晒啲时间俾佢

陪佢去劈酒，陪佢睇完一场电影又一场电影

而于素秋呢，就唔理自己失恋得几痛苦

几需要人陪都好

佢都死撑咁同管家仔讲

“我唔需要你再借时间比我啦，你由得我啦”

就只因为佢唔想管家仔

经历自己经历过的的痛苦

即使喺于素秋最难过的时候

佢都依然在乎管家仔的感受

其实管家仔做过好多嘢去对于素秋好

佢跑几条街去帮于素秋买隐形眼镜

佢去帮于素秋买鞋，会买埋鞋垫

甚至帮佢着埋

佢会为咗于素秋好用心咁去整

雅典娜公主蛋糕

以前睇的时候，以为係依啲贴心的举动

就算係对一个人好

但睇到后来我地先知道

原来对一个人好的最高境界

係可以忘记咗自己

一切都以对方的感受为前提

就好似林峯的嗰首《爱不疚》唱的一样

“你开心就够”

我地会咁钟意管家仔同于素秋

或者就係因为佢地都太好

所以最终有情人终成眷属的时候

我地先会咁开心

直到依家都仍然怀念依对CP