2016-02-14  轉載自東網即時新聞

〖陳柏宇將婚禮交由女友籌備〗

【on.cc東網專訊】藝人陳柏宇（Jason）、蔡穎恩（Evelyn）及湯駿業（Ah Dee）今晚起一連7日在演藝學院演出舞台劇，Jason謂通常在演出前半小時才會覺得緊張，Evelyn笑指較擔心另一演員當奴會忍不住笑：「佢成日爆肚，好搞笑，彩排嘅時候都笑得好誇張，最驚佢自己忍唔住笑！」身兼導演及演員的Ah Dee就說：「有場鬧交戲當奴Jam咗好多嘢出嚟，會令觀眾笑，但要演員忍住唔笑好難。」

〖唔鐘意Surprise〗

問到另一半今晚情人節可會到場？Evelyn說：「佢會嚟睇一睇我就走，因為佢買咗另一場嘢睇。」又透露自己親手炮製了朱古力送給大家。Jason就指女友符曉薇（Leanne）及自己的家人會在19號才來捧場，又坦言原打算與女友預祝情人節，卻忘記了這回事：「都要一個星期後先可以補祝到。（有冇準備禮物？）冇喎，我哋唔係過時過節都送禮物，想要咩通常會講，我唔鐘意瞞住對方買禮物，都唔鐘意收呢啲禮物。收到啲唔太啱嘅禮物會忍唔住話『點解係呢樣呀』，會破壞曬成個心意，所以我唔鐘意Surprise。」Evelyn亦坦言試過失敗：「我送嘢畀人，但佢完全冇用過，我就會好在意。」Ah Dee笑說：「我試過一次過送三份禮物，三份都唔中，其實係我自己準備得開心。」

〖已開始準備婚事〗

而Jason坦言與女友均沒有任何禮物想要，因為曾預告想在2017年結婚的他要為婚事儲錢：「要影相，又要book酒席嘅話，咁就要慳啲。（依家開始準備？）理論上係要嘅，book酒席要早好多搞，依家仲gather緊啲人名，但都唔係我做，friend嗰邊就畀我friend做，屋企人嗰啲就屋企人做，個名單交畀Leanne。」他又笑言一係完全唔畀意見，一係就要婚禮完全配合自己心中所想的，最後就選擇了前者，將婚禮的一切事項交由女友作主：「我唔介意自己一分力都冇出過，之後去睇人哋嘅苦功，而唔係以自己想要嘅嗰件事出發。」Ah Dee認同這個做法可以減少爭執，Evelyn亦坦言女生喜歡籌備婚禮：「但做嘢做得耐會覺得簡簡單單最好，搞咁多嘢真係好攰。」