11月29日

係好多少女一日失两次恋嘅大日子

早上有周柏豪被爆泰国完婚

玩黑又有林宥嘉微博公开求婚

29日晚

林宥嘉喺微博发文

正式向女友丁文琪求婚...

发微博求婚真係娱乐圈第一人

一个钟之后

一条“她说好”三个字嘅微博

超级sweet

但係全世界嘅单身狗受到十万点伤害

林宥嘉呢条微博一发出

网友都炸晒

95后纷纷表示心痛自己嘅青春

当然

呢次求婚都少唔到各路亲朋好友助攻

林宥嘉发微博无耐，Ella就转发

叫丁文琪快啲应承佢

除咗林宥嘉

2016年年底，究竟仲有几多明星拉埋天窗

等小编同大家数下手指

婚期：2016年11月2X日

地点：泰国布吉岛

周柏豪喺日前同相恋十年嘅圈外女友Stephanie喺泰国布吉举办婚礼。

柏豪对新娘保护得好好，到呢家我地只係知道佢係一个时装买手，叫Stephanie Chu。

呢次婚礼花费超过百万，邀请咗60位亲友及同公司艺人，远赴泰国五星级度假村，大搞沙滩婚礼~~~婚礼虽然简单低调，但係极其浪漫，喺亲友嘅共同见证下，周柏豪将老婆揽到实一实。

柏豪通过公司表示秘密结婚苦衷：“我一直想好好保护我嘅屋企人，唔想俾我嘅世界影响，但最后被曝光都係预料之内。好彩当日我地无受突发状况影响...最后感谢我嘅家人支持同体谅，都感谢传媒嘅关心！”

婚期：2016年12月初

地点：温哥华

TVB处女党其中之一嘅岑丽香，去年刚曝光嘅恋情，话咁快就要拉埋天窗，虽然香香公主一直好多观音兵，但係入行5年从未承认过恋情。

旧年第一次公开承认嘅男友，被港媒称“翻版王大陆”。

香香岩岩参加完TVB马来西亚星光荟萃颁奖典礼。

拍拖先一年，香香话结婚就结婚。港媒仲爆出，香香喺28号告假飞温哥华筹办婚事。

咁突然，小编觉得应该係香香突然被男朋友求婚！倾到婚礼安排，岑丽香表示婚礼排场唔紧要，最重要係有亲朋好友参加、观礼。不过媒体就爆出筹备嘅係童话级婚礼囖~

婚期：2016年12月？？

地点：斐济拍婚纱照，估计回国完婚

12月1日上午，多位网友喺微博曝出刘翔同吴莎喺斐济完婚嘅婚礼现场图。

吴莎着住露背婚纱，同刘翔完成婚礼仪式，仅有少数亲友出席。不过，刘翔工作室出面辟谣，话佢地只係喺斐济影婚纱相。

今年1月9日，刘翔喺微博上公开与吴莎相爱。喺吴莎之前，刘翔曾经同演员葛天有过一段短暂婚姻。但2015年6月，刘翔喺微博承认已经同葛天离婚，结束唔够一年嘅婚姻。

自从同吴莎一起之后，两人几乎形影不离，各种场合大秀恩爱。如今被爆出喺斐济影婚纱相，估计离完婚都唔远啦~

婚期：2016年10月登记 11月29日公开宣布

地点：韩国

《第8号当铺》中饰演陈精为内地观众熟知嘅天心，提起佢真係满满童年回忆！

当年天心係好多人嘅童年女神，就算呢家已经41岁，都係光彩照人！

喺11月29日，吴天心宣布闪婚，同林宥嘉宣布求婚唔同，佢一宣布就已经结咗，发文表示："我吴天心结婚了！"开心分享喜事。

经纪人都证实咗婚讯，对象係韩国摄影师金荣敏，两人喺十月已经喺韩国登记。

两人係今年四月两人合作电影《闭嘴！爱吧》相识，大约五六月先开始拍拖，今年41岁嘅天心，拍拖唔够八年就结婚，应该係“遇到对的人”吧~

婚期：不明 

地点：日本

提到长野博可能有人唔清楚係边个，睇完张相应该知啦吧？

就是《奥特曼》入面饰演大古嗰个男仔，日本杰尼斯旗下男团V6中嘅成员。

长野博喺官方微博宣布自己结婚嘅消息，老婆係日本演员白石美帆，长野博更表示呢个喜讯希望尽快俾粉丝知道。

其实佢结婚都唔会特别意外，因为佢同白石美帆都交往咗好几年啦~

听讲长野博喺主持综艺节目嘅时候识咗担任嘉宾嘅白石美帆，因为拍档泷泽沙织同白石又係好朋友，通过朋友嘅红线开始更进一步接触。稳定交往后结婚，都算修成正果啦~

12月先岩岩开始

究竟娱乐圈仲有几多明星

会抓紧最后一个月时间冲冲业绩

拉埋天窗呢？

各大单身狗拭目以待吧~