好多朋友喺剧荒嘅时候

对比起要揾出新剧来追

唔知究竟好唔好睇

又或者最后会唔会烂尾嘅担忧同风险

不如翻煲旧剧会更加实际

而翻煲好多时候

会直接根据中意嘅演员来拣

日剧里面出镜率非常之高嘅山P

不如我哋今日就来回顾下

佢有边d经典剧集值得N刷？

↓

1.野猪大改造

呢出日剧究竟有几经典已经唔使多讲了，斋係山下智久加上龟梨和也嘅组合，就足以令万千少女们疯狂！「パワー注入～」！

当时佢哋两个人呢组成嘅「修二与彰」，仲一齐演唱咗主题曲《青春Amigo》，呢首歌直到依家仲係传唱度非常之高嘅日剧主题曲之一，听到旋律就会谂到剧情！

2.诈欺猎人

《诈欺猎人》呢出戏，讲述嘅係头脑绝顶聪明、颜值亦非常之迷人嘅「黑崎」，因为想帮爸爸报仇，而决心成为一位「专门诈骗诈欺师的诈欺师」嘅故事。

当时呢出日剧播出的时候，山下智久年仅20岁出头，但係当时嘅演技完全超龄般精彩纯熟，当然加上当时嘅颜，唔知几多粉丝係因为呢出戏入坑！

3.求婚大作战

「哈雷路亚、Chance！」呢出戏真係N刷都唔会厌！之前被内地翻拍真係....主角岩濑健因为中意对方，但係每次都无鼓起勇气去告白，最后导致对方要嫁俾其他人。

喺参加婚礼当日偶遇到一位可以令佢回到过去嘅神，于是一直处于穿越嘅路上，最后终于终于告白咗。

4.零秒出手

日剧中讲到同篮球有关嘅爱情故事，就绝对不得不提呢一出。山下智久加上北川景子咁样高颜值嘅组合，已经吸引咗唔少人嘅目光。

不过剧中两个人纠结嘅爱情故事，就令唔少追剧嘅少女们揪心，甚至乎係一出会令大家睇到喊嘅剧。而热血主题曲更有种催泪的魔力，让人每每听到都会回想起动人的故事情节。

5.朝五晚九

虽然呢出比较新，但係因为剧情加上山P X 十元的颜值搭配，绝对係居家旅行无聊的翻煲之选，各种少女心爆炸的名场面，相信就算係翻睇几次你哋一样会忍唔住喺屏幕面前尖叫！

周末夜晚一齐keep住少女心啦！

 官方微信：可乐生活color(colorcolor818)  

 官方唯一商务合作QQ：1902182069