现年42岁的蒙嘉慧(YoYo)，自三年前下嫁郑伊健做咗伊面太后，甘愿做男人背后的女人，甚少在幕前演出，亦好少在公开场合现身。长期养尊处优，YoYo上月出席港台处境剧活动时，虽然以一身牛仔工人短裤加白波鞋的少女打扮示人，不过就突显发福身形，瓜子脸变包包脸、肚腩微凸，手臂仲好大只！唔讲以为佢有喜。

就连老公伊健之后出席活动时，就话自己无刻意谷肥老婆，又话佢以前太瘦，依家系因为开心所以发福。之后仲搞笑咁话YoYo八月生日，到时要送健身器材俾佢做生日礼物！

据知YoYo事后睇返自己张相都吓一跳，惊觉自己肥吓肥吓已经超过120磅，非减不可！于是就化悲愤为动力，不断做运动同健身，似乎终于有成绩！因为昨日YoYo及伊健被影到齐齐去叹早餐，索颜出动、身穿小背心的YoYo似乎fit番晒，手臂幼咗、下巴亦尖番啲，果然讲得出做得到！

YoYo仲在FB上载一张自己瞓喺吹气浮床上、个样超叹的相片，虽然见唔到成个body，不过手脚似乎真系幼番啲。但郑太YoYo唔忧做成日叹世界，身形会唔会好快变番之前咁？