جۇڭگو ئاخبارات تورىنىڭ 9-ئاينىڭ 29-كۈنىدىكى خەۋىرى، نۇر تورى تەرجىمىسى: ئامېرىكىلىق ئايال چولپان كارداشىيان شۇ جاي ۋاقتى 9-ئاينىڭ 28-كۈنى پارىژغا كېلىپ مودا كېيىم ھەپتىلىكىگە قاتناشتى. ئۇ ماشىنىدىن چۈشۈپ تېخى ئىككى قەدەممۇ ماڭماستا، ياندا تۇرغان، قارا كۆزەينەك تاقاپ، شىلەپە كىيىۋالغان، ئۇچىسىغا ئاق مايكا، پادىچىلار ئىشتىنى كىيىۋالغان بىر ئەر تۇيۇقسىزلا كارداشىياننىڭ ساغرىسىغا سۆيىۋالدى.

كارداشىياننىڭ قوغدىغۇچىلىرى دەرھال بۇ سىرلىق ئەرنى تارتىپ ئېلىپ كەتتى ۋە يەرگە بېسىۋالدى، كېيىن ئۇنى بىر ئاز ئۇچۇغداپ قويغاندىن كېيىن ئاندىن پەسكويغا چۈشتى.

29-چېسلادىكى خەۋەردە كۆرسىتىلىشىچە، كارداشىيان بۇ ئەر ئۈستىدىن ساقچىلارغا ئەرز سۇنماقچى ئىكەن. كارداشىياننىڭ قارىشىچە، بۇ ئەرنىڭ مەۋجۇتلىقى كۆپ قىسىم كىشىلەرگە نىسبەتەن خەۋپ ئېلىپ كېلىدىكەن، چۈنكى بۇنداق كىشىلەر باشقىلارغا دائىم ئاۋارچىلىق ئېلىپ كېلىدىكەن.

ئەمەلىيەتتە بۇ سىرلىق ئەر كۆپ قىسىم ياۋروپا، ئامېرىكا چولپانلىرىغا نىسبەتەن «كونا تونۇش» ھېسابلىنىدۇ. ئۇنىڭ ئىسمى ۋىتالى سېدىئۇك (Vitalii Sediuk) بولۇپ، ئۇكرائىنالىق مۇخبىر، ئۇ بۇرۇن بىر قىسىم ئامېرىكىلىق ۋە ياۋروپالىق داڭلىق چولپانلارغا «پەسكەشلىك» قىلغانلىقى سەۋەبىدىن جامائەتچىلىككە تونۇشلۇق بولۇپ قالغان.

ۋىتالى سېدىئۇك 9-ئاينىڭ 23-كۈنى مىلان مودا كىيىم ھەپتىلىكىگە قاتناشقان ئامېرىكىلىق داڭلىق مودىل جىجى خادىد (Gigi Hadid) نى پاراكەندە قىلغان ئىدى. 

ئەينى ۋاقىتتا جىجى خادىد سىڭلىسى بىلەن قول تۇتۇشۇپ ماشىنا تەرەپكە ماڭماقچى بولغان، بىراق تۇيۇقسىز ئۇنىڭ كەينىدىن مودا كىيىنگەن بىر ساقاللىق ئەر، يەنى دەل ۋىتالى سېدىئۇك چىقىپ، جىجى خادىدنىڭ بىلى ۋە پاچىقىنى سىلىۋالدى ۋە دەرھاللا قۇچاقلىۋالدى.

ئىش تۈگىگەندىن كېيىن ۋىتالى سېدىئۇك كۈلۈمسىرىگەن ھالدا قېچىپ كەتتى، پاراكەندىلىككە ئۇچرىغان جىجى خادىد بولسا ئاچچىقتىن كېسىلىپ قالدى ۋە قوغدىغۇچىلىرىغا دەرھال بېرىپ بۇ پەسكەشنى تۇتۇشقا بۇيرىدى ۋە بۇ ئەبلەخنىڭ قىلمىشى قانۇنغا خىلاپ، دېدى.

2015-يىلى LV نىڭ پارىژ مودا كىيىم كۆرگەزمىسىدە، ۋىتالى سېدىئۇك ئاۋستىرالىيەلىك داڭلىق مودېل مىراندا كېر (Miranda Kerr) نى سۆيىۋالماقچى بولغان، بىراق مىراندا دەرھاللا يۈزىنى باشقا چەتكە بۇرىۋالغان.

بىراق ئامېرىكىلىق ناخشىچى سىئارا (Ciara) ئۇنچە تەلەيلىك ئەمەس بولۇپ، ۋىتالى سېدىئۇك ئۇنىڭ ئالدىغا كېلىپ بىراقلا ئىشتىنىنى سېلىۋەتكەن، ئەينى ۋاقىتتا ئۇ ئۇچىسىغا يوق دېگۈدەك كىچىككىنە بىر كالتە ئىشتان كىيىۋالغان ئىدى.

ۋىتالى سېدىئۇك قىلىپ باققان ئەڭ داڭلىق پاراكەندىلىك ۋەقەسى دەل «دىنوزاۋر كۆندۈرگۈچى» نىڭ گانا كىنو بايرىمىدا تۇيۇقسىز ئايال ئارتىس ئامېرىكا فېررېرا (America Ferrera) نىڭ كۆينىكى ئاستىغا كىرىۋېلىپ، ھەممە ئادەمنى قورقىتىۋەتكەن ئىدى.

2013-يىلى «قارا كىيىملىك ئادەم 3» فىلىمى موسكۋادا تۇنجى قېتىم قويۇلغاندا، ۋىتالى سېدىئۇك ۋىل شىمىس (Will Smith) نى سۆيىۋالدى ۋە نەق مەيداندا بىر تەستەك يېدى ۋە «ئاناڭنى، كاللاڭنىڭ سۈيى بارمۇ نېمە؟» دېگەن تىلنى ئاڭلىدى.

ۋىتالى سېدىئۇك بۇرۇن قىزىل گىلەم ئۈستىدە بىرادلېي كۇپېر (Bradley Cooper) ۋە لىئوناردو دىكاپرىيونىڭ پۇتىغا ئېسىلىۋالغان.

2014-يىلى 5-ئايدا «ئۇيقۇدىكى ئالۋاستى» ھوللىۋودتا تۇنجى قېتىم قويۇلۇش مۇراسىمى قىزىل گىلەم ئۈستىدە ۋىتالى سېدىئۇك بىراد پىت (Brad Pitt) نى بىر مۇشت ئۇرۇپ ساقچىلار تەرىپىدىن قولغا ئېلىنغان.

ۋىتالى سېدىئۇك 1988-يىلى تۇغۇلغان بولۇپ، ئۇكرائىنا بورىسپول (Borispol) لۇق. ئۇ بۇرۇن مۇخبىرنىڭ زىيارىتىنى قوبۇل قىلغاندا ئۆزىنىڭ ساراڭ ئەمەسلىكىنى، ۋە شۇنداقلا باشقىلارنىڭ ئىزىغا چۈشۈشكە ھەۋەس قىلمايدىغانلىقىنى ئېيتقان.