寻晚汤怡同洪卓立

两个人同时间宣布，

佢地已经分手。

佢地post同一张相，

写嘅嘢，

大同小异。

真係好估唔到，

可乐君觉得佢地两个，

係娱乐圈中感情最稳定嘅情侣。

大大话话拍咗11年，

2013年公开之后，

佢哋超级多放闪嘅时刻，

一齐出现多到

大家觉得佢地拍拖好模范。

佢地仲有共同嘅youtube频道，

原来已经成年冇更过。

直到寻晚，

佢地一齐宣布分手。

係几震惊，

但係其实有迹可循？？

今年5月，

汤怡话：

“依家先系黄金时间，唔到35岁都唔会谂结婚，爱情唔系第一位，事业家庭行先。”

然后到9月，

洪卓立话：

“其实我同女朋友都系选择一啲好开心嘅嘢畀大家睇。”

洪卓立讲嘢不嬲都几实在，

佢讲得出呢一个point，

通常都係真噶。

发帖之后，

洪卓立表明话，

发贴后不作回复，望见谅。

个Post嘅留言梗係精彩啦！！！

除咗感叹可惜之外，

另一个评论嘅大风向

直接吹到爷爷度。

最近英皇经常将

汤怡同陈家乐好似情侣档

咁推出去做活动，

难免外界会当咗佢哋係一对。

而另一种讲法就係，

两人事业发展渐有距离，

加上拍咗拖11年，

再无新冲击，

分手亦不足为奇。

其实佢地拍拖嘅时候，

都有过几次分手传闻。

最近嘅一次，

就係汤怡买咗新楼，

成功上车，

汤怡上车后，

加上避谈感情事，

引来分手疑云。

当然洪卓立係出来澄清咗，

仲话：“我畀佢（汤怡）激死，其实我哋感情生活好好，只系大家有共识、少提感情事。不过见到报道都嬲，佢竟然连我钟意啲乜嘢都话唔知道，其实系佢唔识点样推同避答。我哋一齐十年，又点会唔清楚对方喜好？”

拍拖11年，

佢地两个都做娱乐圈，

洪卓立嘅事业，

大家好熟啦，

上个月佢孖住吴浩康开演唱会，

汤怡例牌有捧场。

而汤怡嘅事业，

大家可能唔係好熟知。

近年算几有话题嘅角色，

就係汤怡喺

《玛嘉烈与大卫系列 绿豆》

中饰演Candy

戏中佢质感都几好。

电影作品有呢D

↓

佢今年嘅《某年某月》，

扮学生妹依然好青春，

令人眼前一亮，

终于担正做女主角，

同原岛大地合演情侣。

无论如何，

佢地从情侣变翻咗朋友，

呢个关系好微妙，

唔知佢地会点维持呢？

官方微信：可乐生活color(colorcolor818)

官方唯一商务合作QQ：190218206