容祖兒（Joey）及周柏豪昨日到中環出席某品牌產品發佈會。Joey宣佈今年唔會出席樂壇四大頒獎禮：「我同公司都有共識，會休息一陣，我都冇歌，唔使去啦。」

對於未能再奪女歌手獎項，佢話：「點角逐呀！我都冇歌。」問到Joey覺邊位歌手有能力接棒，佢話：「唔好講接棒，就算明明系我攞，但都會覺得我阻住個地球轉，我唔可能喺個寶藏度賴死唔走，今年我睇好衛蘭，佢喺今年唱得最好，佢唱歌好好聽。」

容祖兒仲話，下星期會同阿嬌（鍾欣桐）一齊拍廣告，Joey表示好耐冇見阿嬌，對於阿嬌系咪重色輕友，Joey話：「我唔想咁講，但系有嫌疑。」

同場嘅周柏豪，問到佢好友黃翠如被批演技差，柏豪說：「呢個年代個個都有批評，通常批評都系抨擊，好少宣揚，評論可以寫，但系冇必要攻擊人。大家都有言論自由，我覺得佢做得好好，就算去九日冇瞓覺，每日都系瞓得一小時，都好捱得，好努力，我唔覺得佢做得好好。」