苗侨伟、陈豪、宣萱、黄翠如等于电视城出席电视剧《使徒行者2》开镜典礼，该剧早前已到泰国拍摄外景，问到众星最难忘甚么？苗侨伟搞笑“爱厕所”，他谓：“我最难忘个流动厕所，除咗乾净之外，仲有音乐、冷气同香气。”在旁宣萱听到即附和：“如果深圳都有咁嘅流动厕所就好嘞。”

仲未有剧本？
完成台上仪式后，苗侨伟与宣萱一齐接受媒体访问，继《赌城风云》、《刑警》之后再合作的他们，默契十足，访问时一唱一和，谈到戏中角色，宣萱指自己只收到天书（即简单介绍剧情），剧中她会演退休卧底，拍剧经常演绑架戏的她，被问到今次会否被绑？她笑言：“可能会有㗎！（苗侨伟去救你？）唔知，可能我救番佢呢！不过，我哋系有感情线，同埋角色有啲复杂，我有小小乱。”

大赞泰国摄制队专业
苗侨伟则表示新剧中，依然与“欢喜哥”许绍雄有好多对手戏，不过是全新故事，谈到宣萱指角色有些复杂，他直言：“呢个系《使徒》嘅作风嚟，角色系复杂啲。（你之前喺泰国有冇拍飞车戏？）都在所难免，不过，泰国啲景真系好特别，有啲系香港无。（三嫂有冇过嚟探你？）有。（你拍危险动作有冇吓亲？）冇，太危险嘅会搵特技人做，佢嚟顺道度假，今次外景唔算辛苦，一日十二至十四个钟，有时间休息，同可以拉大队去食嘢。今次去泰国拍外景，见识到泰国当地拍摄团队嘅专业，乜嘢都好周到，问番知道佢哋原来同荷里活团队合作过。”

谈到新剧同宣萱有没有亲热镜头？宣萱答：“未知，只有几集喺手。（会唔会自订休息时间？）唔会，因为订咗其他人会好辛苦，包头包尾，唔想咁。”在旁的苗侨伟则大赞宣萱是铁人，宣萱则指自己若顶不住都会出声。