3月13日係谢安琪42岁生日，不过今年嘅生日礼物真係一世难忘，佢昨晚以「风云大使」身份，现身首届《KKBOX香港风云榜颁奖典礼》兼演唱5歌曲，点知演唱第一首《罗生门》时，观眾已发现KAY表情有异，原来佢嘅耳机失灵，全晚靠自己执生完成演出，更喺后台泪晒当场。老公张继聪睇到都相当心痛，漏夜於IG写下长文力撑爱妻：「灾难係坚嘅，不过我认為你更坚﹗」

謝安琪於《KKBOX香港風雲榜頒獎典禮》面對耳機失靈，感到相當徬徨

張繼聰於IG寫下長文力撐老婆

KAY演出后接受访问时，表示入行多年第一次遇到咁严重情况，极度徬徨但只能尽力演出。老公张继聪喺IG写下长文话：「知道你為咗依个演出，花咗无数嘅心血去练习再练习，希望做到最好。可惜Live performance 永远有无限嘅意外会发生，而今次发生嘅意外，係歌手最恐惧嘅一种……耳机失灵。依种情境，任何表演者发梦遇到都保証会吓醒，不过，可惜，今次单嘢係坚嘅。依二十分鐘嘅痛苦，恐惧，㥬惶，心血白费...对表演者嚟讲，係灾难。灾难係坚嘅，不过我认為你更坚。」

Kay接受访问时表示好感谢Supper Moment Sunny帮忙，专登企到好近等佢睇到咀形知唱到边

「咁嘅环境，你仍然奋力完成整个演出，冇放弃任何一粒音任何一个小节。The Show Must Go On，係一个表演者嘅专业。个骚你唔止go on ,仲充满勇气咁完成。大佬，听唔到声照唱，部琴冇声照弹，听唔到音乐数唔到拍子照入歌喎，真係靠心中有剑。意外冇人想嘅，不过你好叻。同埋今次之后，可以更加胆生毛啦，上到台冇嘢惊㗎啦﹗经歷係用嚟强化自己嘅 。312，个宇宙预早送依份礼物俾你，等你再Level Up ,算係咁啦。最后最后Happy Birthday My Lady 313。」有老公嘅无限量支持，相信Kay一定好心甜，亦好快会振作起嚟﹗