鄭秀文被針對,鄭秀文好委屈 金句王 港台女星 2025-12-04 23:23:48 29 创作不易，用心坚持，欢迎请BaGua喝几杯爱心咖啡！打赏并支持本文 打赏并删除本文 噚日先啱啱講完因為大埔火災，唔少港星就被冇道德嘅網民道德綁架：有冇捐錢？點解捐咁少？點知話口未完，就輪到天后鄭秀文被攻擊被質問：你有冇捐錢？搞到Sammi勁委屈，今日終於忍唔住喺社交平台發文澄清。先講吓來龍去脈，話說早前為新戲趕工嘅Sammi，一直都好掛心大埔災民，並且喺社交平台po上白色蠟燭，為遇難者同災民祈禱。而有信仰嘅佢，日前終於抽出時間出席祈禱會，當時佢仲發文話，希望災民可以搵到「重新站起來的力量和據點」。對於Sammi嘅呢份善心，唔少網民都有留言支持，但點知就惹來一班蛇蟲鼠蟻不斷咁留言同埋私訊佢——質問佢有冇捐錢、嘲笑佢只祈禱不捐錢。（容許我喺呢度省略對呢班嘢嘅一萬字#%$^&*+@）由於呢啲攻擊令佢感到好大壓力，所以今日Sammi終於發文澄清，話之所以要講出嚟，係因為「害怕」再收到質問，唯有一次過講清楚事實。佢話知道災情之後，自己都覺得好無助好悲痛，又因為要拍戲冇辦法好似其他人咁去到現場幫吓手。所以佢第一時間已經捐咗100萬！然後佢又括號話，講出捐錢呢啲事令自己覺得好尷尬好難堪，因為佢深信——「每人捐獻銀碼，隨心也量力，集腋成裘，多少無拘，眾志成城的真義不在於此嗎？」佢又表示對佢嚟講捐咗就已經完結，唔會理捐咗之後有冇被知曉、被報道，同時強調並唔認為禱告就係廉價，而係一種愛同力量。Sammi好嘢！不過對於一個做好事不留名嘅人嚟講，要佢咁樣解釋咁樣澄清，真係太尷尬太為難了。要知道Sammi之前仲患上抑鬱症多年，依家叫做好翻，而（曾）有呢種病嘅人一般嚟講性格上好容易被災難所影響，好容易悲天憫人。依家呢班嘢仲要攻擊佢，對佢道德綁架，令到佢壓力山大，真係豈有此理。但Sammi選擇講出嚟，點都好過收埋喺心入面自己痛苦，可能對佢嚟講有啲尷尬，但佢絕對唔應該受此委屈。而且正如Sammi所講，錢係好重要，但並唔係唯一嘅關愛方式，有時網上一句加油打氣嘅說話，就可以撫慰人心。其實有留意Sammi嘅，應該都唔會覺得佢冇捐錢，因為佢做善事一直都好低調。就好似疫情嘅時候，佢都係親自落街派飯派口罩，但就冇call記者嚟影，只係有人影到po咗上網大家先至知。所以有心嘅，可以出錢可以出力，做完好事亦都唔一定要話畀全世界知。雖然今次Sammi苦口婆心講咗咁多，不過呢班嘢應該都係唔明㗎喇，佢哋都係捐翻入個窿度過冬啦。相關文章：港星又被道德綁架：有冇捐錢？點解捐咁少？* 原創文章未經許可不得轉載或引用◂ END ▸ 创作不易，用心坚持，欢迎请BaGua喝几杯爱心咖啡！打赏并支持本文 打赏并删除本文 感谢您的支持鼓励，我会继续努力的!文章地址：用户邮箱：打赏金额：USDT 请输入数字点击”去打赏“，即可进行打赏支持本文章哦 郑秀文 发表评论
