李施嬅近日联同几个好姊妹姚子羚、胡蓓蔚同陈自瑶，齐齐去咗马来西亚拍摄节目。难得可以出埠拍摄，佢哋当然好好把握机会寓工作于娱乐，顺道喺当地游览啦！

呢日，李施嬅喺社交网上载多张靓相，并留言：“可以同好姐妹一起工作，太感恩。食得太多榴梿，我地（哋）身上散发著（着）榴梿嘅味道回港喇！”其中一张相佢哋净系做“影后”，四女背向镜头坐喺度斗大箩，构图搞笑！而另一张相中，佢哋就一字排开摆甫士，而每人脚下都刻有唔同嘅英文字，姚子羚系“Pretty”，陈自瑶系“Cute”，李施嬅系“Gorgeous”，而胡蓓蔚就系“Hot”，李施嬅仲搞笑咁问粉丝认唔认同呢啲字添！