名模熊黛林（Lynn）的模特兒公司舉行春茗，一眾名模都Cosplay到場，而當中最突出就係Lynn，佢以一身紅衞兵造型現身，紮埋兩條孖辮，心口仲掛埋毛澤東頭像，唔知以為穿越咗去文化大革命時期。而佢呢身造型打扮就攞咗最佳服裝獎，真係實至名歸！Lynn老公郭可頌都有出席春茗，不過佢就便裝上陣，如果佢都扮埋紅衛兵咁就perfect喇！

晚宴上其實都有好多其他精彩嘅Cosplay，好似馬詩慧同王敏德夫婦，王敏德以飛虎造型現身，拍劇做慣警官嘅佢，扮起上嚟駕輕就熟，直情連影張相都有戲呀。另外，琦琦同模特兒公司老闆kim、廖碧兒、樂基兒、丁子高等都悉心打扮出席，美女如雲。