陈展鹏（煎pan） 现已贵为无线视帝，剧集拍完一套又一套，工作接个不停，绝对比起他在亚视时风光很多，直接登上了他演艺事业的高峰。虽然仍有人会觉得煎pan摆脱不了那股亚视味，不过他却从没有嫌弃过这个被称为弱台的地方，原来当年他离开亚视也是迫不得己的。
煎pan重提当年离开亚视原因。
他早前接受访问时，重提因何会离开亚视表示：
其实我嗰时都唔想走㗎，因为我（喺亚视）机会好多，又露股啦，乜都做晒，又旅游特辑啦，又拍戏啦，又配音啦、台庆又要唱歌表演啦，选亚姐又有我份啦，好多范畴都做过晒。但因为事实上当时亚视比较乱，太多个老板接手，同埋管理阶层亦都好多，咁我系因为一件事而离开。
煎pan在亚视工作6年后才回tvb。
到底什么事成了煎pan离巢的导火线呢？他继说：
我记得嗰阵时公司要我哋做返Staff（原本是艺员），将我哋转为工作人员，净系每个月畀钱，咁都ok嘅，我觉得。但系可能内部嘅政策问题啦，如果你做演员继续拍剧呢，咁就唔可以拍综艺嘅嘢喇，好多变动变动得好紧要。到后来我决定唔签做Staff喇，无戏拍嘅时候我就同公司讲可唔可以畀我拍综艺节目呀，公司话得，无问题，八折吖，开啲咁嘅条件，乱到七彩。咁八折我都照做呢啲综艺节目，唔紧要。
煎pan果然很懂得做人，为了份工作被剥削都不计较。
煎pan做娱乐圈没开工时有兼职教打乒乓球。
但当再遇到无理要求时，煎pan这次就不肯就范了：
之后我又有机会拍剧喇㖞，综艺嗰边又搵我，要我着李小龙嗰套衫，黄色嗰套衫去拍一个广告，我话「哗吓，我呢排完全无操，有肚腩㖞，可唔可以畀少少时间我呀？」佢话唔得呀，后日要拍㗎喇，我话唔掂㖞，我对我自己都有要求，由姑至终我都无谂过亚视有无人睇，有几多人睇，我都要做好我自己本份先。
而因为呢件事佢就话我唔听话，跟住话要雪藏我。但系要明白到，嗰时我同亚视系无签过合约，系零合约，仲话要雪藏？我有两个月前啲粮都未畀我呀，你话要雪藏我？嗰次之后就差唔多时间，觉得系时候要走喇，于是就决定返TVB。
煎pan嫌自己不够Fit有肚腩而要求花些时间健身再穿这件衣服。
向来感情低调的他，又谈到当年在TVB开始上位后与前女友，亚姐冠军姚嘉雯分手的原因：
真系无时间，我当时将所有专注力都放晒喺工作上，拍剧时间又长，拍紧时又唔开得电话，好似失咗纵咁，我又无车，好多时都陪唔到佢，甚至连见面嘅时间都无。我都明白作为女仔，都会担心自己将来嘅幸福，又会无安全感，加加埋埋有好多问题出现。
虽然两人分手收场，不过再见也是朋友。
煎pan跟前度亚姐女友再见也是朋友。
撰文：张嘉敏
推荐
如果深入交流，请加八叔私人微信hkhk27 ,
微博：@八卦香港
合作：
WhatsApp：9404 6815
QQ：2212341880
八叔
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
