網劇《性敢中環》拍攝如火如荼，昨日來到中環蘭桂坊拍攝外景，出席演員包括何佩瑜、鄭欣宜、連詩雅、雨僑、陳嘉莉及陳綺雯等。

雨僑今次在戲中飾演第三者，還搶連詩雅男朋友孫耀威，雖然有親熱戲，但幸好只得一場，她接受訪問時說︰「記得有場與孫耀威嗰咀戲，一共拍了三次，拍到第三次咀戲，就即刻想嘔，完成咗之後，即刻去醫院睇醫生，成個過程個回憶就係好想嘔。」為何雨僑想嘔，原來同健康有關。雨橋續說︰「當日身體有啲唔舒服，因為我有腸胃炎，唔想影響拍攝進度，所以都堅持拍攝，但導演話我合埋對眼錫咀嗰陣時，對眼係咁震，都唔知係緊張定係唔舒服。」雨僑仲讚孫耀威好有經驗，知道佢唔係好舒服，所以主動控制個場面，自己只要配合，就好快完成拍攝。

何佩瑜（Jeana）与欣宜孖住受访，谈到剧中难忘场面，欣宜笑谓：“我献出咗萤幕最激嘅一次床戏。（同边个？）人夫邓健泓，我都好期待同佢合作，觉得佢好生鬼，大家产生到化学作用。（好性感？）冇谂过露嘅都露咗，张被畀人扯开。”她又笑言自己是“动作演员”：“可能我中文唔好，所以文戏唔得，反而‘动作戏’1 take起2 take止！”

至于何佩瑜（Jeana）则“封胸”现身，问到是否签约英皇后改路线，她笑谓：“今日都有脚睇，夏天呀，有雀斑。（有冇亲热戏？）同栢天男咀，事前佢有啲紧张，所以同佢倾吓偈，轻松吓先。”此时欣宜闻言笑说：“当年拍MV我都同佢咀过，不过最终个shot冇出到！（食唔少‘好嘢’喎，最想再同边个拍先？）金城武，呢个型男横跨过几个年代，系坚嘅男神！”