41歲陳展鵬今日迎娶28歲單文柔，有情人終成眷屬﹗

一對新人早前到英國拍攝婚紗照，郎才女貌好有夫妻相。展鵬今朝7點20分就精神奕奕抵達中環四季季酒店，為婚事做準備，陪同佢有兩名圈外友人，估計係兄弟團成員。大約8點左右，「黑妹」李麗霞都出現，佢見到記者猛話好開心，佢係嚟幫展鵬打點一切，參與接新娘儀式。

8點20分左右，陳展鵬着上中式禮服，中山裝造型，胸襟前繡有龍圖案，佢拎住花球同wedding　planner及兄弟團落咗嚟影合照，展鵬全程心情大靚，表現風騷，擺晒甫士。20分鐘後，姊妹團成員、單文柔嘅同屆港姐劉穎鏇坐的士趕到，佢下車都箭步走入酒店。據知，接新娘儀式喺9點開始。

大約9點30分，着紅色旗袍嘅單文柔撓實陳展鵬臂彎落咗嚟，笑容滿臉，佢哋由酒店步出，姊妹撐住紅傘，記者要求佢哋影相，但佢哋冇停低做訪問，不過就有企出嚟影相，親友同兄弟姊妹團就坐24座旅遊巴跟住花車，佢哋由酒店出發到中環9號碼頭，眾人登上一艘遊艇開始海上派對。一對新人由酒店出門時，有一對男女疑似係單文柔父母。

新郎陳展鵬噚日喺Instagram貼咗中式禮服相後留言：「著古裝衫著得多，但今次感覺好唔同，期待明天的來臨！」新娘單文柔亦同係貼裙褂相後留言：「明天就是啦！！明天之後就多咗一個身份一份責任。期待成為陳太呢刻，我會努力做好呢個角色。呢2日喺街都撞到好多朋友，你哋比我還要高興，好多謝你哋嘅祝福。」

陈展鹏与单文柔（Phoebe）今日拉埋天窗，今朝一早喺四季酒店接过新娘后，众人即拉队上船，大搞船上婚礼，一对新人更会在船上注册，别具新意！

当中展鹏“家姐”李丽霞（黑妹）、前亚视港男杜挺豪等亦有出席，杜挺豪更由加拿大返港出席老友婚礼，二人识于微时，当年同为亚视艺员，感情要好。

陈展鹏同单文柔（Phoebe）今日成婚，咁究竟佢两个命格旺唔旺对方？几时又会有喜讯传出？堪虞学家陈子才分析，原来Phoebe 2024年前行旺夫运：“单文柔命格夫星为‘喜’，面相双颧丰满有肉，2024年前更行旺夫运，再加上陈展鹏自己本身仲有最少十几年嘅好运，相信婚后陈展鹏运势将可更上一层楼！”

而陈子才话佢两个最快明年有喜讯传出，他说：“二人命格有两个小孩，而由于陈展鹏命格‘食神’星较重，推算首先生女机会较高，最快明年可能有喜讯传出。”