【守护神】黄宗泽苗侨伟又合作 合拍剧香港又要迟几多先有得睇？
本文转自网络 不代表本号观点
近年愈来愈多合拍戏，《踩过界》、《使徒行者2》都系TVB同内地合作拍摄，製作资金多左，实景拍多左演员都话待遇好左，不过代价就系要香港剧俾内地播先，剧透到烂晒香港观众先有得睇。最近黄宗泽同苗侨伟到布拉格拍摄新戏《守护神》，海报及简介流出，写住2018年第三季播出，不过，同爱奇艺合作喎，香港观众会唔会19年先有得睇？
早前剧组到惠东进行开镜仪式，黄宗泽、苗侨伟、刘心悠、陈嘉桓等都有出席。(微博图片)
喺香港拍剧，基本上只有一间可以拣，鬼叫另外两间免费电视台唔争气羊，演员除左北上寻机会，仲可以同TVB有著千丝万缕关系嘅邵氏。最近又流出邵氏新剧介绍，剧名叫《守护神》，有黄宗泽、苗侨伟同刘心悠，搵来万绮雯老公鬼才编剧陈十三担任编剧，系一套36集嘅现代商战片。就咁睇阵容真系几吸引，仲话去欧洲、东南亚，香港内地全球取景添，同内地爱奇艺合作，製作费真系鬆手啲。
佢地10月底喺布拉格拍摄外景，不停街拍放上网站分享。( 陈嘉桓微博)
唔系见到剧集简介，一时三刻真系未必认得出短髮呢位系刘心悠。(微博图片)
之前黄宗泽同陈嘉桓分别放左一啲，喺布拉格拍摄时嘅侧拍照，仲见到女主角刘心悠以短髮造型现身，好有新鲜感。睇Bosco同三哥斗智斗力本身系值得期待嘅，不过睇完内容简介就有点却步啦「国内首次以保险理赔员为视角，追查保险事故真相……」咦，内地？乜呢套唔系香港电视剧嚟？会唔会讲国语？不过大家担心都系言之尚早，事关睇番之前嘅合拍剧都系内地播先，香港观众想睇呀？等下先啦。
《守护神》讲述「国内首次以保险理赔员为视角，追查保险事故真相……」会唔会国语对白呢？(微博图片)
---------------------------------
最新最快最全：关注订阅号tvbdrama，回复你想要的
（长按下图识别二维码即可轻松关注）
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
