艺人萧正楠同曹永廉一向情同手足，而且佢哋两个不时都喺社交网站斗嘴，大玩Bromance，唔少网民都话佢哋系另类嘅放闪。作为萧正楠女友嘅黄翠如，今日就喺社交网站转发咗一段无綫新剧《超时空男臣》嘅片段，当中萧正楠就同曹永廉、何广沛齐齐食同一杯雪糕，唔少网民都大叫冇眼睇。

不过翠如似乎一啲都唔介意，而且仲羡慕萧正楠同曹永廉，话佢哋两个系异父异母兄弟添！翠如就留言话做得艺人，要搵一个知己好难，见到萧正楠同曹永廉咁好兄弟，令佢好感动，仲话：“两个男人到了一个年纪，其实很多事也放得很开，胜败得失又看得不重，就只是一心的紧张著（着）另一人，难能可贵。

不知那里修来的福气，可以拥有一个异父异母的兄弟，真的很幸福。#不用为我担心#他们都是喜欢女人的”