邓丽欣（Stephy）自从上个月公开同棒棒堂成员邱胜翊（王子）嘅姊弟恋之后，口讲就话想低调处理恋情，不过口裡说不，行动却很诚实，不时喺网上放闪，又互相留言隔空传情！爱得轰烈嘅Stephy，最近更加轰烈地喺自己嘅IG进行大清洗，一口气删除所有follow开嘅account，剩返3个有得留低，分别系自己嘅歌迷会、慈善机构「点滴是生命」，同埋最最最重要嘅——王子！

Stephy经常喺IG分享同朋友聚会嘅合照，不过所谓「有异性，冇人性」，家阵恋爱大过天，朋友们全部冇得留低！

【黄柏高】Paco可以话系Stephy喺娱乐圈最重要嘅伯乐，虽然已经结束合作关系，不过Stephy依然好敬重佢，见到面必定揽头揽颈合照，但系相比王子咯喎…连Paco都要行开！

【杜汶泽】Stephy拍摄阿泽执导嘅电影《空手道》之后同佢friend左，经常饭聚，而且阿泽仲带挈Stephy首次提名金像奖影后，仲令到佢成功转型为实力派演员，可以话系事业上其中一个重要嘅人！

早前Stephy仲带埋王子去见阿泽，十足十「见家长」咁款！阿泽咁重要……一样冇得留低！

【蓝天白云剧组】除左《空手道》，《蓝天白云》系Stephy另一套重要嘅转型作品，佢同导演张经纬、剧组成员关系都好好㗎！不过都系要被删走！

有follow开Stephy嘅IG都知，佢见得最密嘅朋友一定系前Cookie成员吴雨霏Kary、杨爱瑾Miki同埋「代言人」欧文诗Angela，不过十几年好姊妹都唔及几个月嘅情人重要！Out！

 ................................... ...................................

...................................

早喺今年5月，王子喺香港站举行音乐会，Stephy已经带埋班姊妹去撑场！虽然当时，仲未公开恋情，不过已经好大方咁将合照贴上IG了。

...................................

由Stephy一手創立嘅排球隊「LOEY」，都係被out之列。

前男友方力申、前绯闻情人「小牛」，已成过去式，冇得留低都正常嘅。

除左男友王子、歌迷会，慈善机构「点滴是生命」都有幸俾Stephy follow，典解嘅？Friend底萝！Stephy成日都参与佢的活动，仲有帮手做义工，恋爱大过天都不忘做善事，抵赞！

欢迎分享至朋友圈