麦浚龙（Juno）与谢安琪（Kay）合唱的大Hit歌《罗生门》在“我最喜爱歌曲”以百多票输给“新人王”吴业坤的《原来她不够爱我》，两人出席庆功宴时大方表示不意外及失望，Kay说：“冇觉得唔抵，反而戥佢（吴业坤）开心，我见证住佢出道，睇住佢好想做歌手，平日未必有咁多机会佢唱歌，今日见佢第一次为大家唱歌大家咁支持佢，我都好衷心祝福佢，想佢个头开得咁好，以后行得顺顺利利。”随即踢爆吴业坤得奖后表示好惊，Kay说：“佢话今晚发生嘅事令佢唔知点算，一切好难接受，我都鼓励佢唔使咁谂，唱歌同做人一样最紧要真心。”而Juno则说：“今年完成到心目中理想，我已得到快乐，冇乜觉得唔抵，反而大碟奖有啲惊讶，估唔到一开场就颁，有啲的措手不及。”Kay表示见到有多个奖项歌迷的反应非常好，她说：“其中一个系佢大碟奖，大家戥佢音乐之路行到呢度，真系好感动，今晚好满意同开心。（未试过攞女歌手金奖？）未，我最喜爱女歌手就第三次攞。”对于领奖鞠躬时抛出“汤碗胸”，Kay说：“你成日留意呢啲嘢，唔知点答，我嘅重点从来唔系身形到，我系内涵派。”