《第三十九届十大中文金曲颁奖礼》昨晚举行，出席歌手好似非常凋零，颁十个奖都有几个冇影，好似「优秀流行国语歌曲奖」的金、银、铜分别由台湾天团五月天的《后来的我们》、周杰伦的《床边故事》及方大同的《悟空》，但三个单位全部缺席，大会好似颁畀空气一样。

乐坛应该有其流动性，但香港娱乐圈，歌影视都面对青黄不接的问题，而港台十大中文金曲颁奖礼，同商台叱吒乐坛流行榜颁奖礼都反映咗香港乐坛新晋歌手缺乏向上流动嘅机会，叱吒乐坛男歌手大奖系张敬轩，女歌手大奖系容祖儿。

昨晚港台十大中文金曲颁奖礼，最优秀流行男歌手系陈奕迅，女歌手系容祖儿。呢个奖喺2004年设立，至今13年，男歌手方面，除了首届由李克勤夺得之外，其后连续12年都系陈奕迅囊中物，而容祖儿则是该奖设立以来，唯一一个得过嘅女歌手。

之前祖儿在叱吒颁奖礼庆功上，讲到入行18年、攞咗11次女歌手金奖，佢话：「都系一个记录，对自己18年青春有交代。（下年可以唔使嚟？）去唔去庆功都冇得揸主意啦！」

事后有网民替祖儿不值，认为祖儿想退下来、唔使俾人话佢「霸住个位」，无奈身不由己，就连「去唔去庆功都冇得揸主意啦」，不自觉地流露咗其心声。

昨晚祖儿仲夸张，连续13年捧走最优秀流行女歌手奖，加埋全晚共有四个奖，当时镜头影住台下歌手，各人脸上都系冇反应，包括郑俊弘，只系机械性咁拍手掌……司仪仲讲错咗祖儿系第14次摘最优秀流行女歌手奖，其实系13次。 

「最优秀男歌手」由陈奕迅（Eason）夺得，他更突然惊喜现身领奖！第十二次获此奖的Eason说：「多谢大家，我好好彩，好多人咁耐以嚟都支持我。」

之前在叱吒演唱时甩嘴的他更说：「最紧要唱好啲歌，哈哈，一阵应该有机会唱歌，我会唱好啲歌，令大家情绪上有共鸣。好开心做到一个歌手，我会做好啲㗎喇！」之后他再凭《四季》夺「全球华人至尊金曲奖」，他说：「攞咩唔系最重要，有得拎紧开心，呢首歌要多谢我嘅春夏秋冬，周国贤、小克、蔡颖恩、CY Kong，我嘅音乐label，仲有我嘅朋友、家人、支持我嘅人。」

第四至六首「十大金曲奖」由许廷铿（Alfred）的《我的志愿》、陈柏宇（Jason）的《告别之前》及陈奕迅的《四季》夺得。

Alfred多谢公司、林夕、陈光荣外，提到自己这次小试牛刀执导MV，要特别鸣谢帮忙演出的前辈鲍起静：「佢演活咗MV嘅灵魂！」他又谓希望MV能带给大家一点启发：「我会更加努力，放更多心血入去。」Jason就表示多谢大家听他的歌，之后会用行动去报答大家的支持。

歌手周柏豪去年虽然没有任何作品歌曲，但昨晚在颁奖礼上获「优秀流行歌手大奖」，柏豪在后台受访说：「今日攞到奖项都几幸运，因为有一首歌系冠军歌，系2015跨年作品，所以计算在内拎到十优歌手奖项，同埋叫做有首合唱主题歌曲，呢次有机会被邀请出席颁奖礼感到好开心。」他又指就算没有奖攞，又得閒不用拍剧，与其在家中看颁奖礼，就不如到现场支持大家，就算只是在台下听老友唱歌，他都觉得是一件开心事。

刚推出新歌，今年又会举行演唱会，顺理成章成为入行10周年纪念演唱会。演唱会是否都是华纳主办？周柏豪说：「当然。（用演唱会挽留你？）唔系，因为呢个演唱会，喺我上次演唱会时，老板已经讲等你十周年再开，冇特别嘢改变。」他否认被华纳「雪藏」，他说：「如果雪都唔会有剧可以拍，个剧都系华纳接。（续约成数高唔高？）呢个未知住，再畀多啲时间倾下。」（你个约几时满？）不便透露，都近嘅，倾紧，呢啲人生大事好好认真地倾，我自己又唔太心急，呢个年代好多嘢好方便，可以自己做歌、宣传，好似好多嘢可以做，构思紧同公司倾紧有冇其他嘢可以发生。」

昨晚，四月参演《风云》5D音乐剧的谢天华、郑嘉颖、谭耀文惊喜回归担任颁奖嘉宾，主持问他们会用剧中的招式争奖？剧中饰演「聂风」的谢天华指会用「风神腿」：「横扫晒啲奖同对手，两隻脚一齐出！」剧中饰演「步惊云」的郑嘉颖则指会用「排云掌」：「用掌声证明我实至名归！」而谭耀文说：「阻大家一阵，好开心今晚可以返嚟香港乐坛！」剧中演「无名」的他指会用「万剑归宗」：「你的出咩都冇用，所有奖都系我攞嘅。」

在香港乐坛沉寂多时的侧田，昨晚也以嘉宾作表演及颁发「最有前途新人奖」，被问对一班新人歌手有咩勉励说话？侧田说：「只可以讲一句，我做新人时有个前辈话呢行可以带到你去到好高，亦可以带你去到好低，无论点都好，唔好忘记入行原因，做好音乐，娱乐大家。」

昨晚的「销量歌手大奖」的组合为五月天，女歌手为容祖儿，男歌手则是张敬轩。轩仔就多谢每位仍会买实体碟的人：「个音质同包装都有我哋嘅concept喺入面，所以实体唱片唔可以冇！」

今年的「十大金曲奖」今年新增至十二首，第十首为AGA与Gin Lee合唱的《独一无二》，两人同以黑色透视装现身领奖。而第十一首为郑欣宜的《女神》，原先正与JW谈天的她突然知道自己获奖，即急步行上台，而这次她未有再落泪，首次夺此奖的她说：「我觉得2016年好多惊喜，以为自己冇咩机会唱歌，但得到咁好嘅歌，超越咗我谂嘅，呢首歌嘅力量好大，而我只系一个幸运儿，我之后会靠自己，做得更好！多谢fans，啲灯牌好靓！」

至于第十二首「十大金曲奖」为乐队Dear Jane的《只知感觉失了踪》，首次夺此奖的Dear Jane说：「好Surprise，多谢所有锺意呢三部曲嘅人！」又多谢MV导演将三首歌串连成一个大家有共鸣的故事。

你也觉得香港乐坛青黄不接了么？

☞转载授权微信：lama129

☞ 商务QQ：1900556960

☞投稿邮箱：[email protected]