艺人方力申（小方）出席展销厅活动，讲到旧爱邓丽欣（Stephy）与年轻6岁的台湾前棒棒堂成员邱胜翊（王子）挞着，问到恭喜了Stephy未？小方明显有备而来谓：“两、三个月前已经知，证明我守秘密几好。有见过佢哋，冇尴尬！佢哋公开咗，希望今后大家问有关佢（指Stephy）嘅嘢就问我少啲，问佢自己多啲。”他又谓粉丝近日有在网上传Stephy与王子的行踪给他，他表示：“但其实我都知，希望关心我嘅粉丝可以关心自己同父母嘅感情生活多啲，多过关心我。”

唔只见过Stephy王子一次

问到Stephy有否告知他拍拖？他即笑言：“太detail喇！总之见过啦，有打招呼，冇尴尬。（你觉得佢哋衬唔衬？）女仔锺意咪得啰。（你觉得自己定王子靓仔啲？）冇得咁讲，又唔系选美，我又唔系sell样。（你sell咩？）sell缘分，随缘啦。”问到他跟两人在甚么场合见面？他又笑言记者问得太仔细，并谓：“唔只一次啦，冇尴尬。”问到可有过几招给王子？他尴尬笑言：“唔讲呢啲啦。（即系你感到尴尬？）唔系啦！唔讲呢啲啦，我呢排教游水好辛苦。”

大方祝福旧爱

问到可会戥Stephy开心？他笑言：“呢个问题好得意，梗系啦！教我可唔可以有第2个答案？我叫小方啫，但我好大方！”讲到他的感情状况，单身的他表示：“大把女！泳会几十个女仔，多到不得了，全部系无忧无愁、天真可爱嘅小朋友。”再问到他觉得Stephy喜欢王子甚么？他则谓：“问佢啲闺蜜啦，作为前度不能太close。”

否认有新欢

讲到他之前上载短片，期间有女生入镜，他即强调不是女友，被Stephy取笑此地无银，对此他笑言：“证明我有先见之明，澄清唔系都上咗报纸，不过我唔需要呢啲版面。”

点阅读原文