张智霖工作接工作做唔停，不过点忙佢都会抽时间陪吓宝贝仔张慕童（魔童），近日佢同太太袁咏仪（靓靓）带魔童去咗非洲肯雅旅行，靓靓就喺社交网发放非洲之旅嘅点滴，其中一张相佢哋三个手拖手喺草原上漫步，加上夕阳斜照好有意境，成个画面充满爱！除咗同一大班朋友围住火堆倾偈之外，魔童仲识到新朋友仔，佢同当地嘅小朋友搭住膊头合照，有网民就话魔童愈嚟愈瘦，仲话佢今个暑假好似冇乜高过，睇嚟魔童都要食多啲嘢先得啦！