上月30日剖腹诞下囝囝的叶翠翠，今日由老公与大仔接出院，一家四口温馨合照，老公更轻吻翠翠。

翠翠身穿露肩裙与四吋高跟鞋示人，精神奕奕，她称BB足月出世，有九磅重，她也意想不到：「bb一出世，医生抱住佢就话BB实有七磅几，点知攞去磅系九磅。今次生仔冇上次咁惊，我上次都系开刀生，虽然局部麻醉，但都好痛，今次我同医生反映左，佢畀啲气我闻，成个过程冇痛，好舒服。」

问到名字？翠翠表示仍未为BB改名，她笑言：「英文名，我老公都谂左几个月，寻晚佢话不如叫Titus，我上网睇，原来系牌子名，所以打消左个念头，我谂佢要花多几个月去谂。中英文名都系老公改，我谂乜都冇用，佢唔会批淮，应该会夹吓八字去改名，但都系交畀老公负责。」

至于会否再追女？翠翠即时耍手拧头：「唔会，两个已经攞命，今次佗得好攰，又要照顾大仔，但我又抱唔到佢，个心都好唔舒服，两个都够。其实我系锺意女，但依家社会好危险，生女好多野要担心。」她扬言要封肚，没有计划生第三胎，意外都要避免：「老公有话生个女，但如果再生都唔系女咁点，再生仔真系连屋都拆埋呀！」

翠翠指BB大食，会喂人奶之馀，也要补奶粉：「补奶粉都要三安士，我谂我要努力，但我唔主张畀太大压力自己，只要唔好饿到BB，我唔介意补奶粉。」见她已着高跟鞋，她自认贪靓：「我今次佗b好紧张，因为我经常Facebook教人长胎同点保持状态，我要做个人版畀佢的睇，生完唔可以好憔悴，要畀人知保健同保养好重要。」期间她以纸巾抹眼，她澄清：「我唔系感动，系有野吹入眼啫！」

 微信号 cwhk777

就算取关！都要记得：我们曾经相遇过