佘诗曼自从自组公司后，个人都好似开心左，经常都系互联网贴相卖萌，都嘴、伸脷、单眼少不了，早前佢同老友周家怡去左一个阳光与海滩嘅地方度假，仲激罕贴左一张泳装相，虽然剩系得背脊睇，但都真系够晒火辣辣。

阿佘几时都系「work hard,play hard」，丧玩完之后，就要努力工作搵钱。最近佢去左哈尔滨拍摄大陆电影，由於当地天气只得零下13度，喺美丽嘅雪山景下，阿佘真系有苦自己知。佢噚日喺微博留言﹕「收工喇！又完成人生另一创举！零下十三度雪山拍摄#电影西伯利亚风云#全靠这三十三个暖宝宝同我并肩作战！听说明天再降温，怎麼办?身上还有位置贴吗 #我在哈尔滨#」。唔少网民都话好担心，叫佢保重身体。