歌手张敬轩凭歌曲《缺》及《天才儿童1985》获《2018劲歌金曲优秀选第一回》的歌曲奖，他透露早前与苏永康及容祖儿到了东京看玉置浩二演唱会：“因为苏永康有多张飞，我系临时去，变咗三个人嘅局。（祖儿系唔系去疗情伤？）我唔觉得佢疗情伤，佢有时间就去日本食嘢，我同佢一齐相睇，即系相约睇演唱会，佢状态几好。（有冇八卦佢嘅恋情，佢系咪同刘浩龙复合？）唔会刻意问，佢开心就得，我话唔知系真话，冇所谓，佢都咁大个人，最紧要佢开心。佢嘅私人事我哋好少畀意见。（佢有冇同你讲感情事？ ）想讲就讲。（同你讲咗乜？ ）佢依家工作为重。（因为冇其他，只有工作？）唔系，佢依家几开心。（唔觉佢失恋？）系啰，佢系被爱嘅状态，有家人、身边嘅朋友以及深爱佢嘅人。（有冇多咗搵你陪佢？）冇，佢本身好独立，见佢好容光焕发。”

对于有指祖儿买入两亿豪宅，张敬轩表示有听老板提过，坦言并不出奇：“佢自己有实力，佢妈咪又系理财高手，我每次见到伯母都系喺银行，佢去打簿仔，我就唱碎银，伯母好锡佢，乜都亲力亲为，祖儿系识生金蛋嘅金鹅，伯母就投资有道，我有时会问伯母取经。（几时到你买两亿嘅豪宅？）我有失忆同思忆。”

另外，谈到巡回演唱会，张敬轩称仍未有计划：“因为今次演唱会有降两度嘅元素，但某啲宗教国家有规限，好似新加坡同马来西亚就要喺形式同内容上有所改动，要入乡随俗。”