视帝陈展鹏今日迎娶单文柔（Phoebe），新郎一早喺四季酒店接过新娘后，便举行婚礼。

↓陈展鹏单文柔婚礼现场↓

不过展鹏为了让爱妻有个难忘回忆，搞搞新意思，举行船上婚礼，别具新意！二人亦换上西式礼服，Phoebe穿上露肩婚纱，微露事业线，性感又高贵。

当游艇驶到西贡威士忌湾后，两人发下山盟海誓，在亲朋戚友见证下注册成婚！一对新人更甜蜜咀嘴定终生，而宾客举机丧影，场面轻松又Sweet！

当中展鹏「家姐」李丽霞（黑妹）、前亚视港男杜挺豪等亦有出席，杜挺豪更由加拿大返港出席老友婚礼，二人识于微时，当年同为亚视艺员，感情要好。今次一对新人大搞船P结婚，均表示希望好难忘！

稍后两人换上另一套礼服，Phoebe身穿tube dress款婚纱，展鹏则穿上宝蓝色西装。当记者要求两人锡锡时，展鹏表现怕丑，他婉拒说：「我哋一阵会发相，会发啲锡得靓啲嘅相畀大家。而且呢啲台上会做。」

提到中午在船上注册时，Phoebe坦言当展鹏宣读誓词时令她最感动：「其实誓词系我哋平时拍拖时讲，佢话未遇到我之前系一个个体，依家结为夫妇，大家各自减去一半融合成为一个个体，听到嘅时候都几感动。（点解喺船上签字？）大家有个共识，想难忘啲。」

唔透露婚戒卡数

展鹏称想在清静及安静环境下进行仪式。问到有什么爱的宣言，展鹏称要留待之后再讲，但新娘子则踢爆对方﹕「佢反而有同我爸爸讲。（讲乜﹖）留番啲秘密畀我啦！」展鹏笑谓：「都系嗰啲，会令佢个女好幸福，会锡佢。」

Phoebe透露早上有不少结婚仪式删减了，加上她不忍心老公被姊妹玩，所以没有玩新郎环节，问到有否畀开门利是？展鹏讲笑说：「调番转就好。（唔使畀人玩好开心？）唔系，拍筹备婚礼短片嘅时候畀人玩唔少，不过好多谢兄弟姊妹帮手，我哋今次有武师，婚礼上播出来嘅短片系会有动作，系搞笑，仲会重温番我哋相识故事。」

见新娘子手中的钻戒相当巨型，接近两卡，但Phoebe不肯透露卡数：「唔讲呢啲，我都唔知，最紧要系心意，呢样系纪念，我好大头虾，希望一直保住隻戒指，唔会唔见。」

老爷满意新抱

另外，展鹏的母亲虽然中风，但亦有到场，展鹏称母亲很开心：「尤其系我爸爸，佢平时比较cool同埋少出声，但睇得出佢好开心，今日见佢望住个新抱仔，个样尴尴尬尬，微微笑咁样，好满意咁。」Phoebe补充说﹕「老爷同我讲左句，叫我好好照顾展鹏，即系佢哋都好满意我。」

至于婚后会否继续工作？展鹏说﹕「我尊重佢，佢喺呢行其实做左两年，好多野未试过，好似着古装影婚纱照都系第一次。（如果太太拍亲热戏呢﹖）电视尺度啫。（咀戏呢？）ok喎，以太太个活力同拼劲，相信佢静唔到落嚟，佢做唔做野我尊重佢。」

随时复工

展鹏透露今晚与亲友食饭为主，几日后就会再有大型派对与圈中好友一齐庆祝。问到度蜜月？展鹏坦言﹕「未谂过，休息吓先，因为婚礼好忙，之前去左英国同法国影婚纱相，所以唔急去旅行住，希望搵到合适地方再去。（你随时复工？）我ready，我套剧7月延迟到九月，依家话12月，我觉得最重要写好剧本同角色，我随时复工冇问题。」问到造人大计？佢就话：「顺其自然，急唔嚟。」

展鹏虽然唔急，但相信一班朋友及长辈都好心急想快啲抱孙，希望两位新人可以早生贵子啦~

▽长按图片测试▽

- END -