蔡卓妍（阿Sa）和钟欣潼（阿娇）两位好姊妹组成的Twins送别2017年迎接2018年来临，过去一年Twins事业爱情大丰收，阿Sa与男友石恒聪感情稳定，渴望有两星期长假欧游，阿娇与“医界男神”赖弘国爱得甜蜜，阿娇直言想当人妻兼生B！

踏入2018年Twins会继续合体出发，去年两人在演戏方面有很大得着，阿娇到台湾拍摄偶像剧期间结识到男友赖弘国，她冧爆说：“呢啲缘分嚟嘛，缘分都攞咗返嚟。（2017年最大收获？）赚到个男朋友啰。”旁边阿Sa忍不住笑说：“咁你畀咗啲片酬我啦！你都赚咗个男朋友咯。”阿娇继续放闪：“唔系遇到个男朋友咁简单，系遇到一个对我好、又细心，真系关心我嘅人，唔系容易嘅。”阿Sa看来不及阿娇Sweet？阿娇即为阿Sa平反：“佢Sweet唔话你听啫，佢Sweet到我想呕呀，唔想睇到！”阿Sa则一直傻笑。
等赖弘国开口求婚

问到阿娇新的一年可会结婚当人妻？阿娇说：“但呢个唔系我决定，亦都唔系我出声噃，呢啲嘢见到埋嚟就食啦。（有冇结婚呢个憧憬？）都有嘅，唔想40岁先生BB嘅，好辛苦，唉！暴露咗自己年龄添！（你仲有3年时间。）咁都要佗B㗎，可遇不可求。（好男人都畀你遇到，好快求到？）求子？……哈哈！”

同样爱情得意的阿Sa，2018年最令她头痛是如何争取时间和男友石恒聪拍拖，已有四个剧本在手的她将年头忙到年尾，想过二人世界都不容易，阿Sa说：“工作满晒，反而好想去一次两星期嘅旅行。（农历新年你得5日大假？）我同Mani（经理人霍汶希）咪好似擸住把刀抢期咁啰，因为拍紧戏，都系去得5日，其实我想去几个地方，去欧洲两星期都差唔多啦，唔好嘥喇，都飞咗十几个钟。”

身体健康演戏突破

不过，阿Sa因声带受损困扰多时，希望新的一年能够痊愈：“依家睇紧言语治疗，因为受损期间继续用把声，变咗嗰个位同隔篱嘅肌肉有咗记忆，依家要搵另外一啲位发声，相信都有排搞！”新一年阿Sa的愿望首要是身体健康，另外一个目标是有份参与编剧的电影有好成绩：“会原班人马拍《原谅他77次》续集，因上集几好成绩，老板都好开心，票房唔系最重要，口碑对我系最大收获。”

刚踏入1月份，Twins已有3场巡唱进行，其中澳门站更是阿娇生日前夕，阿Sa笑言：“哗，成万人一齐同你庆祝呀！”阿娇直认喜欢两人同台演唱，最为开心。今年她俩可会在电影上合体？二人同声表示要先有好剧本，阿Sa说：“Twins畀人嘅感觉太深入民心，夹硬一齐拍，又系变番以前嗰啲戏。（要角色有突破？）唔系要好突破，只系唔想畀人感觉胡闹，系真系认真去演戏！”