近年不少星二代子承父業進軍娛圈，不少都做得有聲有色，現在再有一對星二代孖仔闖影壇，他們就是湯鎮業的孖仔，湯君慈及湯君耀。Bruce與Chris去年在美國大學畢業後，簽約「宇宙最強」甄子丹旗下，即獲安排拍攝電影《大師兄》。這對孖仔對演藝事業的興趣，原來是從小到片場探班，而在父親湯鎮業耳濡目染下培養出來，Chris表示：「爸爸對我影響好大，佢好想我哋入行拍戲，慢慢都產生咗興趣。」

大孖Bruce跟細孖Chris讀大學已副修電影，Chris大爆爸爸湯鎮業在他們讀中學時，已鼓勵他們參加學校舞台劇演出：「爸爸仲會去學校，問可唔可以畀我哋加入」湯鎮業又建議孖仔要多看電影，Bruce說：「乜類型嘅戲都睇，爸爸話好差嘅都要睇；我發覺眼神好緊要，爸爸好勁，好凌厲。」其實孖仔胞姊湯愛嘉亦有選修電影，但就打算做幕後，三將來大有機會姊弟檔開工。

Bruce跟Chris除了外表相似，亦同樣愛打籃球，訪問當日兩兄弟在北角打波，原來兩兄弟曾因籃球失和。Bruce說：「細個會為小事嗌交，打機、爭玩具都會打交，記得中五年，我哋打籃球時嗌起交嚟。」Bruce當時一拳打去Chris鼻樑，令Chris鼻骨歪掉要做手術。Bruce說：「次之後，我哋冇再打交，大家都成熟咗，感情亦好咗。我晚成晚唔，有喊，好內疚，未試過打到咁嚴重，我學識咗要珍惜細佬。」Chris直言當時好嬲哥哥：「要入院做手術，哥哥有嚟睇我，知佢內疚，我都原諒咗佢。爸爸有鬧佢，仲話佢『點解屋企人打自己人，要打就打出邊人，唔好打自己人』。」

講到未來演藝路線，Bruce跟Chris都希望走「陽光男」路線，無懼「爭飯碗」，Bruce則表示：「我希望嘗試唔同路線，唔想被人定格，想可塑性高，好人、壞人有機會都想試演出，或者細佬做壞人，我做好人。」兩兄弟有甄子丹力撐，又有父親湯鎮業背後支持，其實已經贏在起跑線，不過Bruce有一個願望：「我哋開始賺錢，唔使爸爸再畀零用錢，已cut咗佢畀嘅信用卡，我哋基本開支應付到，下個目標希望養到爸爸。不過我哋仲住爸爸租間屋，其他使費自己搞掂。」