视帝王浩信怕传绯闻 回避江嘉敏
本文转自网络 不代表本号观点
宅男女神江嘉敏(Kaman)喺新剧《兄弟》升呢做女一，同男主角王浩信有唔少对手戏，但近日有报道指Kaman喺英国拍《兄弟》外景期间，主动姣黐人夫王浩信，即使返港后都频频主动联络男方。绯闻传出后，视帝兼人夫王浩信依家见到江嘉敏表现好避忌，放饭连眼尾都唔敢望对方一眼！
视帝王浩信 怕同江嘉敏传绯闻
江嘉敏开朗又玩得，喺新剧《兄》中，佢更一改清纯形象，不再演乖乖女，饰演保镳的她要郁手郁脚拍打戏，又要揸枪，动作戏多多！睇番当日《兄弟》开镜拜神时，佢同王浩信都仲敢合照搞气氛！
王浩信有家室又系大台视帝，拍剧同上位小花江嘉敏传绯闻，王浩信依家对伊人都避之则吉！
视帝王浩信家有娇妻陈自瑶，连个女都就嚟六岁大，绯闻一样长传长有，今次同江嘉敏传绯闻，陈自瑶回应话：“传到麻木咗，会相信老公！”
有传英国拍外景期间，江嘉敏姣上视帝王浩信，经常主动献殷勤，买咖啡都只预对方！
有绯闻传出，王浩信即时学识避忌，开完厂同枱食饭都唔敢望剧中女友江嘉敏。前排开厂放饭，全组人拉队去canteen开饭，坐埋一围仲要喺正隔离，人夫王浩信都系目不斜视眼里只系得碗饭，九秒九扒完碗饭就走先。虽然明明最多对手系江嘉敏，不过怕咗再传绯闻，亦怕咗有人过分热情，望都冇望江嘉敏一眼。
其实成组人开饭时有倾有讲气氛融洽，唯独王浩信成口饭，莫讲话沟通，连望都冇望江嘉敏一眼。
视帝王浩信
九秒九扒完碗饭，九秒九企起身着褛走人，无谓畀人入到位呀嘛！相反江嘉敏望到王浩信实一实！
视帝王浩信
第二日去到中环码头，又系开《兄弟》，对手戏换转班兄弟当然唔使再避忌，唔食烟，王浩信都要黐埋煲紧烟的杨明同许家杰呃水吹。
王浩信
其实新科视帝系怕绯闻啫，绝对唔系孤独精，隔两日开外景，冇咗江嘉敏喺身边，成个人当堂放松晒，明明唔食烟，唔使埋位时都有黐住煲紧烟的扬明呃水吹。返屋企惹到烟味，几时都易解释过惹到女人香水味呀嘛！
视帝即系视帝，对自己演出要求系高啲，等紧埋位时，王浩信一个人对住空气口嗡嗡练拳唸对白，果然专业。
王浩信
食饭跟实王浩信
睇番早前江嘉敏同王浩信在TVB西餐厅拍摄新剧《兄弟》，戏里戏外江嘉敏都好热情主动，拍完一个shot，就表情多多不停撩拍档倾偈。另一日外景，江嘉敏亦一有机会就撩男方倾偈，反而王浩信表现避忌。
视帝王浩信
视帝王浩信
电crew佬
江嘉敏年纪轻轻其实非常识捞，成功冧掂一班幕后。上至监制、Camera man、打灯佬、PA大家都对佢特别照顾，出道咁短日子就咁襟捞，真系叻女嚟！
除咗姣视帝王浩信，江嘉敏其实亦非常识捞，嗲功又了得，成功冧掂一班幕后。
---------------------------------
商务合作QQ：2063871309
最新最快最全：关注订阅号tvbdrama，回复你想要的
（长按下图识别二维码即可轻松关注）
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
