叶翠翠以贴身短裙及三吋高踭鞋大晒长腿出席活动，早前被传有孕的翠翠虽然腹部未见隆起，但全程春风满面。问是否可以恭喜她佗B？翠翠即连番否认，但直认已不设防，恨生猴B：“唔系，（未够三个月唔讲得？）未知住。（冇验孕？）女仔要到下次唔方便先验到，未到期，未知住。（有冇唔舒服？）冇。（一向不设防？）最近先不设防，想生猴B！”

夫妻睇中医调理身体

提到老公周晓东会否心急想知验孕结果？翠翠大爆家中已购至大量验孕棒作准备：“佢都会想知，但未够期。（买定物资等到期即验？）屋企大把货！（验孕棒？）系。（你着好高高踭鞋？）会换番平底鞋同大褛，自己怕冻，同老公一齐睇中医调理身体。”
翠翠还笑言在录影无綫节目《姊妹淘》时获算命师睇好兼教路：“佢话我随时有（孕），今年有就最好。（惊唔惊验完空欢喜？）随缘，师傅话有咗要5个月先讲得，日后我唔讲得就请大家见谅。（长辈冇问你？）冇，可能唔想畀压力我。”

老公随时停工照顾

问若怀孕会否停工？翠翠即甜笑说，老公会充当助手管接管送，届时可能对方会停工照顾自己：“本身唔太多工作，唔系做主角都唔太吃力。我先生好好，返工都会请半日假车我开工，收夜会接我。（唔使请助手？）唔使喇，我同佢讲到时（佗B）我就大晒，佢答我已经大晒，冇得再大。好似今日佢惊我揸车唔识路，不停打电话畀我，到时可能系佢停工，唔系我停工。”