草蜢話傾偈可能只有呢個時候咋！

草蜢演唱會琴晚開鑼，觀眾席還有容祖兒與媽媽、關心妍一家三口，周汶錡、黃佩霞等，草蜢說：「不知不覺3年冇開騷，我哋好鍾意聽到你哋啲聲。」現場觀眾即刻呼叫吶喊，他們說：「等咗3年啦再聽到你哋嘅熱烈嘅歡呼聲，有件事想講你哋係最好的。」蔡一傑表示：「今晚係第一晚，通常第一晚嘅觀眾都係即時買飛嘅，亦即係最瘋狂嘅粉絲，你哋係咪鐵粉，嗌聲嚟聽吓。」全場人又再次大叫。傑仔續說：「我哋就好似一架衝戰車咁，聽完你哋啲嗌聲，成架車就充滿晒力量，其實演唱會籌備過程中，其實都有好多辛苦嘢，不妨可以提一吓，除咗我哋，好多舞蹈藝員都為咗呢個騷受傷，好似啲手吓腳吓各樣，所以你哋一邊睇演唱會同時，都不妨畀佢哋多啲掌聲支持番佢哋。」

草蜢仲好識做咁專程走去傳媒朋友坐嗰度企定定畀傳媒影相。

關心妍帶埋囡囡一家三口嚟撐場！

容祖兒都有同媽媽一齊嚟支持。

蘇志威表示今次演唱會有別以往，他說：「通常我哋嘅演唱會，好多時會傾吓偈講吓嘢，但今次我哋演唱會想做一個表演形式，傾偈可能只得呢部份。」他們又跟觀眾玩暗號，三子說：「你哋覺得愈興奮，我哋就會覺得愈瘋狂，你哋愈瘋狂，我哋就會愈crazy，呢個係我哋演唱會嘅暗號。」三子又識做見傳媒朋友坐邊度，即過來企定定讓傳媒影相，又跟觀眾玩人浪，將現場氣氛炒熱。

好型呀！

蔡一智

蔡一傑