无綫上位花旦李佳芯（Ali）与三届视帝罗嘉良到尖沙咀拍摄新剧《与谍同谋》，担任女主角的Ali似乎颇为紧张，未埋位前一直手执剧本，拍完一部分后又即走到机位睇Playback，十分认真。期间身为前辈的嘉良主动撩Ali倾偈，Ali就动作多多，更揈手、侧头又掩嘴笑，似乎畀嘉良凼得相当高兴！

狂Loop罗嘉良饮歌
Ali受访时承认今日有些紧张，因刚拍完上一套剧《律政强人》，希望尽快投入新角色。她表示自小已有看嘉良演出，最难忘是对方的歌声：“佢好Nice，第一次合作冇压力，佢令到身边人都好舒服！我好锺意佢唱歌，自从知道要同佢合作，佢首《准我留下》不停喺我脑海系咁Loop。（头先你哋有讲吓笑？）系呀！大家要了解多啲对方。（叫佢唱歌？）未喎！系喎！要同佢讲，想听佢唱Live呀！”

未知有否亲热戏
Ali表示剧中饰演嘉良的得力助手，相识多年甚有默契。问到可有爱情线？她说：“我喺戏中有个老公，系佢生意伙伴，所以暂时睇剧本，我同嘉良系冇亲热戏嘅，但未知有冇暧昧呀！依家感情系屋企人嗰只。（叫监制加啲亲热戏？）大家系咪觉得我好Dry？哈哈！唔使啦！如果剧情要就自然会发生。”

开心表现备受肯定

提到不少观众激赞她在《潮流教主》中的演出，Ali表示剧集播出前感到非常紧张，因今次再演衰人角色，她又说：“我有睇番几集，有啲场口系用力咗，但好开心听到有人赞。”

♥博主收集的资源不容易啊、还请大家拿资源的时候不要忘记帮小潮点一下底部的广告栏。你们的分享和点赞就是博主坚持更新的动力。♥

如未注明则文章来源于网络，小编对原作者深表敬意。