陈键锋先天脑血管缺陷无得医 谂过自杀 抗遗传病全靠呢一招？

陈键锋（Sammul）自2010年离开TVB之后，主力于大陆发展，剧集一部接一部，发展得唔错。刚刚度过41岁生日嘅佢，已经步入“不惑之年”，近日陈键锋更自爆旧年喺泰国做咗次精密嘅身体检查，谂住作为生日礼物畀自己，点知被医生告知，原来佢嘅脑部天生缺少了一条主要血管，属遗传病的一种。当时陈键锋难以接受身体岀问题，大受打击，仲谂过要立遗嘱同轻生添呀！

（陈键锋IG图片）

自从知道脑血管有问题后，陈键锋开始审视自己的人生，佢话：“我系一个有啲强迫症、选择困难同洁癖嘅人，咁嘅人喺娱乐圈工作，可想而知系加倍困难。加上呢几年无论事业、感情定生活发生嘅嘢，搞到我除咗屋企人同经理人，渐渐唔太相信别人，又钟意独处同自己解决问题。旧年知道自己脑血管有问题后，有一日我潜水嘅时候，突然起咗一丝奇怪嘅念头，我好想一直潜下去，可能就会永远无人会揾到我。好在呢个念头只系一闪而过，但我知道呢个系一个危险讯号。”

陈键锋突然想死嘅念头令佢醒觉，自己唔可以再咁落去，于是佢返香港报读遥距神学课程，边拍剧边进修。再加上佢本身亦系基督徒，陈键锋希望喺信仰中寻找到力量，支持住自己，佢话：“呢一年发生好多嘢谂唔明，经妈咪同家姐提醒，发觉过去40年，由我自主嘅人生，真系过得唔太好，所以嗰一刻决定将自己交畀神去掌管。”

（陈键锋IG图片）

岀道多年，陈键锋除咗演戏叻，仲岀晒名钟意进修，中学时系红十字会大使，入行至今已经学习过急救、拯溺及护理等技能。除此之外，佢仲拥有多项专业证书，如潜水教练、独木舟、聋哑手语及幼儿护理等，真系多才多艺。陈键锋话：“进修系我钟意嘅事，都系令自己成长嘅事。”现在读神学课程嘅同时，陈键锋仲有兼职做急救课程导师，见不时上传佢身穿专业护理学会制服教书嘅相到IG，仲话急救知识系大家“一定要有嘅技能”，睇嚟佢对急救都好有热诚呀！

(陈键锋演戏之外，亦系急救课程导师）

---------------------------------

商务合作QQ：2063871309 

剧迷QQ5群:133989729

最新最快最全：关注订阅号tvbvideo，回复：2019

（长按下图识别二维码即可轻松关注）