叶翠翠（Tracy）出席美容中心新店开幕，提到于活动上自爆被老公赞素颜都靓，她说：“开心嘅！因为生完BB正常都好残好攰，佢都会话‘老婆真系好靓！’佢成日都讲，我都好开心。有时去游水成个妆甩晒，佢通常都会赞我。”

问到会否有兴趣开美容店，她说：“唔会啦！我都系做顾客好，我处理唔到，上社交网站分享吓算啦！开铺真系冇时间，又要照顾小朋友，一定唔会开。”Tracy又现时以网上工作为主，无綫曾搵她拍剧，但她谓小朋友太细，不放心交给工人照顾，所以可以做节目嘉宾，但暂时仍然不会考虑拍剧。