唔经唔觉，泳儿同髮型师男友Ziv已经拍拖8年，难得佢哋仲keep到咁sweet，唔怪得佢话随时可以结婚啦！泳儿唱得唔使多讲，近年多咗机会返内地登台唱骚，6月先喺东莞举行首个内地个唱，最近忙住为新歌《野木兰》做宣传。

年底佢仲会喺香港开演唱会，知道嚟紧会好忙，泳儿同Ziv都好争取时间拖。两个人约咗一大班朋友，入场前发现有啲肚饿，买咗汉堡包外卖，又唔可以拎入场食，点算呀？神奇外套！

泳儿好似多啦A梦上身咁，将披住嘅白色外套除低兼交畀Ziv，用外套遮住外卖袋偷运入场，咁咪得囉！明显地Ziv係未做过呢啲事，睇佢鸡手鸭脚咁，女友笑到爆晒咀，搞到Ziv都有啲老尴，睇佢硬晒軑就知佢好唔自在。好彩，最尾都顺利过骨，可以边睇戏边开餐。

记得15年底，泳儿妈妈脑出血中风昏迷，嗰段时间，好彩有Ziv陪住佢一齐撑过去。泳儿讲过，如果妈妈住私家医院要几百万，佢畀唔起，住政府医院都用咗几十万，沉重医疗费令佢更畀心机工作。

爸爸叫过佢唔好花咁多钱去医，但泳儿话家人有事，一定要帮！结果，泳儿嘅孝心冇白费，因为妈咪醒番，安排咗佢住疗养院，今年5月，佢细佬结婚，妈咪亦有出席。

新剧推介

版权说明：来源网络，如转载涉及版权等问题，请作者与我们联系，我们将在第一时间处理，谢谢！

商务合作 微信/QQ:476912416（注明合作）