不知不觉原来谢安琪已经出道十年，

所以为咗庆祝出道十周年，

阿Kay将于今年4月15、16日系红馆举行演唱会。

当年一首《喜帖街》成为咗谢安琪嘅代表作后，今次再搵Wyman黄伟文合作，Wyman将会度身订做“K歌"《山林道》助阿Kay再攀高峰。

Kay今次系第三度踏上红馆，又系十周年纪念show，对佢意义极度重大！

当年Wyman嘅经典之作《喜帖街》令阿Kay登上人生高峰，今次再神来之笔为Kay献上一首《山林道》成为主打歌。

谢安琪话睇到歌词有好大感触：“当日我哋小公司由山林道开始做起，录起第一首歌亦喺呢度，可能时间令好多人和事变迁，正如虽然叫山林道，但条街道一棵树都冇，要发展就要斩树劈石，想要一样嘢就可能要牺牲另一样，但做人就唔可以忘记初衷。”

但记者问到期望《山林道》再创事业高峰？Kay就笑言：“系又唔拘窝，我都希望首歌可以触动人心。”至于今次可唔可以再攀高峰咁真系要期待一下啦！皆因宜家都未有得听！！！

谢安琪要隐退？

谢安琪之所以话今次演唱会意义重大，除咗将会回顾其十年的音乐印记，更系阿Kay暂别乐坛前的最后演出！

咩话？谢安琪要退出乐坛？？？

噢噢噢~原来系宣告退隐一年专心“造人”！

谢安琪和张继聪宜家有一个儿子张瞻，不过想继续追个弟弟，

所以呢个十年演唱会亦都系阿Kay暂别乐坛的最后演出。

谢安琪呢十年不停为事业打拼，完成个唱就宣布放一年长假，呢个决定真系够勇，因为呢个时势嘅艺人，唔成日蒲头，就好容易被遗忘。而阿Kay都自赞话英勇：“我都觉自己好豪好勇，亲身推咗唔少工作。（损失千万元计？）系呀，但冇得咁计，要计嘅话生命比搵食重要。（唔怕消失一年被其他歌手超越？）冇担心过，我嘅离开系为咗返嚟变得更强大。”Kay坦言都唔舍得，但正如佢所说要牺牲先会得到更多，而佢想得到的不是成就，而是有更多生活感受去做音乐。

不过，Kay称虽然“放长假”，但佢已完成两张唱片，所以歌迷仍有新歌“止瘾”，讲到退隐“造人”？Kay爽快笑答：“系呀，我会好好造人，好好生活。”

叻！！！

小编支持谢安琪，只要有好音乐，

观众系唔会忘记你的。