卖几十万珠宝　徐子珊狂赚粉丝钱

徐子珊在观塘apm一间三文治店出席活动，子珊为食店设计了一款以她名字命名的沙律，她说：“原本佢哋叫我设计其他产品，但自己想做一啲环保、绿色嘅工作，咁不如设计一款自己食开嘅沙律，又唔复杂、材料又健康。（饮食界都做埋？）依家潮流兴跨界嘛。（会唔会开餐厅？ ）我自己个珠宝嘅网页都未搞得掂，依家设计咗几十款首饰，价钱有万几蚊到几十万都有，不过最贵嗰款首饰暂都未卖得出，因为依家都未公开卖，所以主要客源都系粉丝。”

呻北上讲国语讲到攰

徐子珊签了王祖蓝工作室，刚刚由北京返港，她说：“今次都系上去见吓啲同事，影吓宣传相，同埋做一啲直播访问，讲国语都讲到好攰。（会唔会接真人骚？）如果适合都会。（胡杏儿之前上节目被弹，会唔会唔考虑唱歌节目？）自己唱歌麻麻哋，但亦唔会拒绝，亦唔系睇钱，要睇性质适唔适合。（新公司第一项工作系乜？）都倾紧啲电影，新公司都要时间磨合。（新公司有乜艺人？）李亚男、林欣彤、邓萃雯，男仔就是祖蓝。”

可以点原文看更多猛料，也可以畀台叔一颗充满爱的赞~