同时天涯沦落人，相逢何必曾相识，睇到呢句话，好自然会冧到起一首街知巷闻嘅歌《相逢何必曾相识》。

前晚8:30，《老表毕业喇》首播，又令我冧起前一部《老表你好hea》入边，改编嘅《相逢何必曾烧衣》，最后“劲劲劲劲劲劲”果段真係笑死人！

你绝对估唔到嘅係，传唱一时嘅《相逢何必曾相识》，居然係由蒋志光一手一脚作词作曲创作出嚟嘅成名曲。

你亦都估唔到嘅係，歌手出道，如今却成为tvb绿叶老戏骨嘅蒋志光，一直怀住“导演梦”，至今从未熄灭过。

蒋志光究竟係边位？熟悉tvb嘅肯定知道，蒋志光係一个识唱歌嘅演员，唔係，应该係一个识演戏嘅歌手。

（想睇更多娱乐资讯，记得关注“我爱大佛山”啊）

1985年被林子祥发掘，被邀请到演唱会模仿林子祥唱歌，就咁得到宝丽金赏识而展开一段短暂嘅音乐生涯。

1990年创作《相逢何必曾相识》，同韦绮珊合唱，一举摞下第13届十大劲歌金曲颁奖典礼“金曲奖”。

睇睇当年，摞到金曲奖嘅另外9首歌嘅演唱者，如今都已成为响当当嘅大牌歌手，足足过去咗27年，物是人非风光不再，不禁为蒋志光感到唏嘘不已。

第13届十大劲歌中文金曲（另外9首）

光辉岁月 - Beyond

一千零一夜 - 李克勤
你知道我在等你吗 - 张洪量
前尘 - 林忆莲
失恋 - 草蜢
只愿一生爱一人 - 张学友

特别的爱给特别的你 - 伍思凯
焚心以火 - 叶倩文
可不可以 - 刘德华

1991年，同罗大佑合作《皇后大道东》，一经出街就成为“内地禁歌”，一个复杂而敏感嘅年代，选择唱呢首带有政治色彩嘅歌，蒋志光係当时香港係有所影响力。

要知道，当年嘅听众係摞蒋志光同李克勤一齐嚟对比。论样貌，点都觉得蒋志光比李克勤靓仔几分。

年轻嘅蒋志光，古怪又可爱，戴住金丝边眼镜，歪头吐舌头，背着吉他，眼神中总透露住一种年少的不服气。

点解要拣金曲奖后，选择急流勇退，甚至转行去tvb做起演员，唔係应该去做导演，实现一直以嚟嘅梦想咩？

蒋志光曾经讲过：点解欧洲嘅牛油面包咁好食？欧洲人一样识食海鲜食大餐，但佢哋好早就已认清，最好嘅技术唔一定要摞嚟赚大钱，所以宁愿将心思花係平价食物上。等于外国随便一个街头音乐家，嚟到香港流行乐坛都赢晒。但係唔係所有人都一定要行呢条路？世界唔应该只得一条路。如果我继续好似工厂咁俾多十首好似《相逢何必曾相识》嘅样板歌出嚟，唔退开一步，我对音乐嘅认识，不会好似宜家有提高有见解。

流行音乐对于佢嚟讲冇难度，睇得准卖钱嘅音乐，唔代表就係自己满意嘅音乐。有人话蒋志光自视清高，而我就话人有自己嘅态度，有自己嘅原则，并冇错。

蒋志光自言一早看穿唱片业将式微，唱歌为佢带嚟知名度，佢带住知名度入电视台。佢话：至少做演员同我嘅终极目标更加接近。

结果，蒋志光用咗10年，係近几年先总算被认同为“性格演员”，不过毕竟，集万千光芒于一身嘅歌手，係永远无法与性格演员相提并论的。

专门饰演古装智者、娘娘腔嘅中年男子、无厘头嘅小人物或者某方面嘅专业人士，做演员，蒋志光好清楚自己唔够靓仔嘅局限。

讲到佢自己嘅演员志愿——做二线王，冇志气？蒋志光引用波波夫一句名言回应：偶像是虚幻的，我是真实的。

不着于眼前，志在千里。“音乐创作是理想，有时单靠它要维持生计是不易的，演戏是良策。”屈于现实，又不屈于现实，讲嘅就係蒋志光本身。

（想睇更多娱乐资讯，记得关注“我爱大佛山”啊）

入行tvb20几年，拍过无数剧集，塑造嘅经典小人物角色，一直都得到观众嘅认同，甚至得到“冇咗呢个配角，呢套戏咗唔成”嘅媒体高度评价。

《男亲女爱》中，娘娘腔詹士安，又名James，言行感性情绪化，易受伤害，外表阴柔，善与女性做朋友。

身为一位事务律师，见尽男男女女嘅世情，但仍然坚信婚姻神圣不可侵犯，经常係担任电台主持排解夫妇纠纷。

蒋志光亦都係呢出戏中结识咗好友“黄子华”，两人企埋一齐，自身都带住不由自主散发嘅幽默气质，虽然对手戏唔多，但却感受到一种“英雄惜英雄”嘅暗波。

《栋笃神探》中，史高拔督察，公认比主角黄子华更加鬼马，索性将佢打扮成《傻豹》中嘅彼得斯拉。

生性善良心肠软、胆小怕事、做事拖拖拉拉。对栋常摆上司款，但又能容忍栋玩返转头。对女人口贱心怯，从不敢行动，又怕痕又怕痛之辈。

虽然从无开过一枪，从无擒过一贼，从无破过一案，仍能年年升职。今次同黄子华嘅合作可以讲係“渔鱼得水”，更加感受到两人嘅“惺惺相惜”。

《宫心计》中，公公布吉祥，自小入宫为太监，跟随马元贽左右。对司制钟雪霞日久生情，甘愿为其差使奔走，只希望有朝一日可以对食。

可以将公公演得如此出神入化，做作得嚟又自然，又唔黑人憎，係tvb入边真係冇几个人可以驾驭到呢种角色。

有人话，《老表你好hea》中，殡仪馆乐师高音，其实就係映射蒋志光身为歌手果段时间与现实嘅挣扎。

曾经一度封咪嘅蒋志光，首次係电视剧中献声，就咁佢嘅歌手身份先慢慢褪去咗尘封已久嘅素衣。

一首爱是永恒，迷人嘅声线，冧爆唔少观众朋友，听出耳油。蒋志光亦都凭借《老表你好hea》，夺得2014年“最佳男配角”和“专业演员奖”。

（想睇更多娱乐资讯，记得关注“我爱大佛山”啊）

从1985年到2014年，29年过去了，有人话蒋志光先得一个“最佳男配角”和一个“专业演员奖”，蒋志光你唔止如此。

蒋志光演过咁多喜剧，扮演过咁多喜剧角色，佢坦然：但逗趣嘅外表底下，现实毕竟唔係一场喜剧。

近排除咗《老表毕业喇》“程朗”，仲有《降魔的》出租车司机“莫有为”。

可能因为蒋志光係少有嘅虔诚教徒

佢对流言一直不闻不问

喜怒亦都不溢于言表

但係却冇一个人可以断言

佢人生嘅失败

因为人生从嚟都唔会一帆风顺

每周精彩视频：那些年我们拍过的搞笑视频