娱闻乐
每日更新港澳台娱乐资讯
打造广东人娱乐资讯平台
37岁牛一！陈嘉桦几乎发老公脾气
台湾女团S.H.E成员陈嘉桦（Ella）今日37岁生日，喺呢个咁重要嘅日子，佢老公赖斯翔当然花尽心思氹老婆开心啦，佢仲准备埋惊喜，不过就畀Ella识穿咗！
Ella喺社交网上载多张庆生嘅照片，老公、囝囝「劲宝」、好姊妹任家萱（Selina）、田馥甄（Hebe）都有在场，「劲宝」仲锡锡妈咪，真系好温馨。
Ella留言话：「今年的生日惊喜被我自己给破梗，原来老公就打算给我惊喜，但没想到我以为要工作，就在快要跟老公发脾气的时候，老公就招认了。虽然被我破梗，但我还是很开心，因为我最爱的家人朋友都来陪伴我，吹蜡烛前，我感性的跟大家告白，因为这阵子看了好多令人心碎的新闻，让我有一晚伤心的睡不着（着），哭着（着）跟老公说，劲宝是我活下去唯一的理由，老公就觉得我很夸张。但今天，我找到人生的可以继续活下去的意义，那就是『爱』，因为爱是如此巨大的力量，所以我将我的生日祝福送给大家，希望大家可以怀抱着（着）充满爱的心，怀抱这个世界，谢谢你们，我爱你们❤」
周董昆凌为囝囝开一岁生日P
台湾天王周杰伦（周董）同太太昆凌是好父母，视一对子女如珠如宝，转眼间囝囝Romeo已经一岁生日，两公婆就为Romeo搞咗个生日P，见到派对以童话为主题，昆凌抱住Romeo同爸爸、细佬合照，另一张就系同老公、小丑合照，周董仲贯彻Chok爆风格，真系型爆！
另外，见到Romeo好开心趴喺地下玩玩具，虽然见唔到佢正面，但从背影可见Romeo大个咗好多，网民都话Romeo有两个咁锡佢嘅父母真系好幸福，仲大赞昆凌嘅爸爸、细佬颜值超高，相信将来Romeo都一样咁高质！
苦练马甲线！龚嘉欣预告新剧要露
艺人龚嘉欣出席「big big channel KIDS x Think big 夏日大想」活动，嘉欣表示8月将开拍新剧，为剧集而要苦练马甲线：「套剧入面唔系要着泳衣，但会睇到线条同埋要露腰，8月之前我系唔会露腰，有成果会同大家分享。依家每星期会上一日功夫堂，一日由私人教练教健身，每晚再花半个钟拉筋同做腹部运动，夜晚唔食淀粉质。（系咪监制要求？）我对自己都有要求，难得接到个咁好嘅角色，想畀大家睇到同平时唔同嘅我。我人生廿几年都未试过有马甲线，依家练到有少少，已经好开心。」
另外，嘉欣在《美女厨房》中大展身手被网民激赞，她坦言没想过有如此大回响：「我只系上去玩吓，啲街坊都话对我改观，唔知我识煮嘢食，最开心系话我嫁得出。仲有人问可唔可以试我手势。（吴业坤？）唔系，系圈外嘅男性朋友。」问到是否追求者时？她点头默认：「睇完话想试吓，佢等吓先啦！（有冇话上你屋企试？）冇，唔好咁快，如果真系拍拖，我唔介意日日煮嘢食畀男友，我好享受，关系进一步先，可以煮三餸一汤。」
补祝29+1！朱晨丽尘封7年水着大解放
艺人朱晨丽早前为补祝「29+1」，孖好友蔚雨芯到峇里度假，短短三日两夜尽诉心中情。自2011年参选港姐后，朱朱已久未着泳衣示人，今次难得大解放骚身材。朱朱对首次「蜜」游却嫌未够喉，更已约定明年再出游。
朱朱去年剧接剧忙足成年，连30岁生日也未能庆祝，早前趁有三日空档，即兴撩好友蔚雨芯出埠，没料对方爽快答应，立刻动身上网订机票、酒店，她说：「冇谂住要做啲咩，只系想送个『29+1』礼物畀自己，拣峇里因为够Relax，但揾机票、酒店过程好刺激，酒店仲要系临飞前一日先Confirm到，好在又有人陪我癫！」
面对当地酷热天气，朱朱已顾不及体形问题，眼见有雪糕店，即二话不说买来降温，她说：「谂都冇谂，降温要紧，食一个雪糕应该唔会肥得去边嘅。」
今次罕有地晒水着的朱朱，笑指要趁机着番够本：「平时有跳舞Keep弗，但喺香港真系唔敢着泳衣，既然去到咁远就解放吓！7年冇着，起初都有少少怕丑，要Warm Up一轮先敢示人。呢间酒店最出名系海天一色，我本身唔识游水，但睇住咁靓景色浸都几舒服，咩烦恼都冇晒。」
平日多独游的朱朱今次难得有伴，当然不放过机会互影，朱朱说：「好彩同女仔去，着到几性感都唔会尴尬，同埋我哋会同一个景影好多张，拣最靓嗰张Keep，有时摆甫士摆到僵，好变态。」
农历生日＋端午节 杨丞琳自爆对糉有阴影
台湾女星杨丞琳早前就过咗佢嘅34岁生日，今日佢就喺社交网上传咗一张自拍祝大家端午节快乐之余，原来今日系佢嘅农历生日，佢仲自爆因为每年农历生日都系端午节嘅关系，搞到佢唔止冇蛋糕，仲对糉有阴影添呀，说：「午安 端午安康喔大家 今天是我的农历生日呢 小时候跟家人都过农历生日 然后大人就会开玩笑说 不用买蛋糕啊 吃粽子就好 在粽子上面插蜡烛（大人是指我爸）因此我对粽子有点阴影 你们吃粽子了没 一颗粽子热量很高喔 要注意别吃太多。」之后杨丞琳又hashtag指佢唔钟意食糉，但系就钟意食里面嘅蛋黄，一班网友睇见都大赞杨爸爸有创意呀！
声都沙晒！吴镇宇带病扒龙舟
艺人吴镇宇、潘灿良、黄德斌、胡子彤、余香凝等演出的龙舟电影8月上映，由一班「大叔」为炎夏带来活力！此片拍摄时间为去年的7月至9月，正值烈日当空的暑假期间，剧组希望趁着好天气尽快完成扒龙舟的戏份，所以电影开拍的头三个星期也是在户外拍摄，这对导演、演员以及幕后工作人员来说也是一场挑战，除了演员要准备最佳状态外，连化妆同事也笑言这次拍摄用了一百支防晒太阳油。
只是暴晒仍不算最痛苦，最痛苦的是拍摄时经常要面对阴晴不定的天气，这分钟仍在暴晒，下一分钟便落起倾盆大雨，不断反反复复，令演员及幕后工作人员容易生病，包括男主角吴镇宇，不过他为免影响拍摄进度而决定带病上阵，导演陈咏燊说：「镇宇有大部分扒龙舟嘅戏份都系带病上阵，把声都沙晒，不过佢真系好专业，完全冇影响到演出！」
虽然此片是一套以龙舟为主题的电影，但一众要演出扒龙舟戏份的演员却没有半点经验，加上拍摄时间紧张，所以演员仅能用正式拍摄前的半日去学习，镇宇说：「其实我哋只系上咗半堂去学扒龙舟，其余时间就系边拍摄边学，每个动作都有正式嘅龙舟教练喺摄影机旁边睇吓啲动作啱唔啱，不过我觉得大家都算学得好快。最尾一场我哋直头扒上瘾，喺导演cut咗机后都继续扒，扒到个个冇力先停低。」潘灿良则表示：「扒龙舟睇起嚟好容易，但成个团队一齐扒嘅时候系一啲都唔简单。」
黄德斌坦言很少接触龙舟，而今次拍摄的难度在于每天都要很早起床，他说：「好早就要到达拍摄场地，一开始就要进入状态，但当处于嗰个环境同气氛，大家都好开心嘅时候就唔会觉得太辛苦。」身为香港棒球代表队队员的胡子彤于今个夏天要为球队出席国际赛事，他笑言拍摄《逆流大叔》可以寓工作于操练：「估唔到今次拍摄嘅体能需求都几大，拍足成日真系会扒到几攰，可以帮我保持运动员状态同心态！」
雷庄
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
