黄宗泽唱插曲　真系有惊喜：最紧要大家开心

本文转自网络 不代表本号观点

大家除咗觉得TVB争黄宗泽（Bosco）一个视帝奖座，仲觉得佢嘅歌艺好出类拔萃，好想佢可以出多啲新歌，再以声音感动听众。当大家以为要等多三五七年时，Bosco就默默地为歌迷制造惊喜，更在邵氏网剧《飞虎之潜行极战》发布会中，公开佢同吴卓羲合唱嘅剧集插曲MV，惊艳全场。

Bosco隔咗咁多年再唱歌系同吴卓羲合唱，但我谂大家想佢独唱多啲。（陈顺祯摄）

Bosco话佢唱歌都系想大家开心。（陈顺祯摄）

Bosco接受媒体访问笑谓：“老细叫到我唱，冇话肯唔肯嘅，我呢啲唱插曲嘅都系hehahae啫，最紧要系大家开心。其实本应系三哥（苗侨伟）唱，但佢唔肯。如果佢肯，阿峯（林峯）同MC Jin唱嗰首点会系主题曲。（唔怕网友疯狂讨论？）冇问题啦，又唔系攻击你，最紧要大家开心。”

Bosco对时装有自己嘅睇法。（陈顺祯摄）

其实除咗Bosco嘅歌声，佢嘅衣着风格都系走在潮流尖端，令网友非常关注，盛赞只有佢可以Carry到。今日，佢就以紫色衫裤到场，先后外搭黑色、卡其色两件长褛，好有层次感。与Bosco探讨衣着品味时，他直言：“我就系咩都够胆试！个个都西装、打呔，依家我咁著，大家都多样嘢讲下吖。（钟意？）我接受架，我屋企都有唔少裙，褛都会买女装，但要著就睇场合。”至于咁著热唔热？他即逐层逐层揭畀大家睇：“里面冇嘢、假架，一啲都唔热。”

Bosco话佢咁著唔热，仲揭起自己件大褛畀大家睇里面系点。（陈顺祯摄）

---------------------------------

商务合作QQ：2063871309 

最新最快最全：关注订阅号tvbdrama，回复你想要的

（长按下图识别二维码即可轻松关注）