无綫剧《幕后玩家》高潮位一幕接一幕，寻晩一集就轮到萧正楠同黄翠如接力掀起话题，佢哋仲公然喺700万观众面前玩鸳鸯戏水，萧正楠仲赤裸上身，喺镜中反映出嚟嘅翠如BB亦“赤条条”，真系睇到眼都凸呀！

两人饰演之角色顾成双（黄翠如饰）同埋冯汐然（萧正楠饰）婚姻破裂，成双为咗令双方留下美好回忆，临别秋“波”，甜甜蜜蜜同冯汐然玩足一日，临尾仲整个“甜品”，大玩火辣鸳鸯花洒浴?！

哗！哗！哗！事关两人系真情侣兼拍得相当火辣香艳，播毕即成网民热话，有眼利嘅网友仲话两人拍嘅时候，萧正楠有啲失重心企唔稳要扶墙?，唔通翠如太索搞到脚仔软？！搞笑到呢，真系带畀大家无限欢欣同幻想！

两位当事人今日就接受东网访问，萧正楠话扶墙原来系“戏”嚟㗎，特登做嘅，咁呢个扶墙戏又想带出啲乜嘢呢？翠如接力解画：“因为佢要控制角度，令啲打底衫唔穿崩！”哦！明晒！真情侣拍呢啲戏唔多唔少都会有啲尴尬，翠如亦直言：“真系熟仲尴尬，因为现场太多人，不过，当然心情好复杂，因为下一场离婚所以内心好难过。”

喂！喂！大家唔好净系挂住睇火辣戏喎，之后，两人嘅感情戏都做得非常好，顾成双喺的士上爆喊，同冯汐然喺酒店满以为同老婆和好如初但原来系“最后一夜”嘅痛哭，都睇到观众心都实埋，好多人仲戥冯汐然唔抵，萧正楠就话：“汐然真系好惨，之后仲有好多虐心戏㗎，好开心大家睇得咁投入，亦有好多人见到翠如演技上嘅进步，佢得到大家嘅认同，我都好戥佢开心。”

复制这条消息，找开手机淘宝即可看到【12.12来了！开宝箱抢1212元现金大红包，还有4亿购物券】￥AAfFzhmg￥

看TVB新剧《幕后玩家》《致命复活》

已关注下方港剧档案公众号ID:gangju01回复剧集名